نيۋ-يورك قالاسىندا قازاقستان رەسپۋبليكاسى مەن مارشالل ارالدارى رەسپۋبليكاسىنىڭ بۇۇ جانىنداعى تۇراقتى ٶكٸلدەرٸ قايرات وماروۆ پەن اماتلاين ەليزابەت كابۋا ەكٸ ەل اراسىندا ديپلوماتييالىق قاتىناس ورناتۋ تۋرالى بٸرلەسكەن كومميۋنيكەگە قول قويدى, دەپ حابارلايدى "ۇلت اقپارات" قر سىرتقى ٸستەر مينيسترلٸگٸنە سٸلتەمە جاساپ.
كەزدەسۋ كەزٸندە ەكٸ ەلدٸڭ ٶكٸلدەرٸ بۇۇ اياسىندا ٶزارا قولداۋ, سونىڭ ٸشٸندە ۇيىمدى رەفورمالاۋ مەسەلەلەرٸن تالقىلادى. بۇۇ-نىڭ ورنىقتى دامۋ ماقساتتارىنا جەنە كليماتتىڭ ٶزگەرۋٸنە بايلانىستى مەسەلەلەرگە دە ەرەكشە مەن بەرٸلدٸ. قازاقستان رەسپۋبليكاسىنىڭ ەلشٸسٸ قايرات وماروۆتىڭ ايتۋىنشا, بٸرلەسكەن كومميۋنيكە ەل اراسىنداعى ەكٸجاقتى فورماتتاعى جەنە حالىقارالىق ۇيىمداردىڭ شەڭبەرٸندە تٷرلٸ سالالارداعى قاتىناستى دامىتۋعا مٷمكٸندٸك بەرٸپ وتىر.
«ال اماتلاين ەليزابەت كابۋا قازاقستاننىڭ كليمات ٶزگەرۋٸمەن كٷرەس جەنە بالامالى ەنەرگييا كٶزدەرٸنە كٶشۋ شارالارىنا بەلسەندٸ قاتىسىپ وتىراتىنى ٷشٸن العىس بٸلدٸردٸ. ول استانادا «ەكسپو-2017» حالىقارالىق مامانداندىرىلعان كٶرمەسٸ اياسىندا ٶتكەن مارشالل ارالدارىنىڭ ۇلتتىق كٷنٸ ٸس-شاراسىنا جەكە قاتىسقانىن دا اتاپ ٶتتٸ. مارشالل ارالدارىنىڭ تۇراقتى ٶكٸلٸ يادرولىق قارۋدى تاراتپاۋ سالاسىنداعى قازاقستان جەنە ونىڭ پرەزيدەنتٸ نۇرسۇلتان نازارباەۆتىڭ بەيبٸت حالىقارالىق باستامالارىنا قولداۋ بٸلدٸرٸپ, وسى سالادا ودان ەرٸ ىنتىماقتاستىققا دايىن ەكەنٸن ايتتى. يادرولىق سىناقتاردان زارداپ شەككەن مارشالل ارالدارى, قازاقستاننىڭ جاھاندىق دەڭگەيدە وسى سىناقتارعا تىيىم سالۋ تۋرالى باستاماسىن تولىعىمەن قولدايدى», - دەلٸنگەن رەسمي حابارلامادا.
ايتا كەتەيٸك, مارشالل ارالدارى رەسپۋبليكاسى - تىنىق مۇحيتىنىڭ باتىس بٶلٸگٸندە ورنالاسقان مەملەكەت. حالىق سانى شامامەن 57 مىڭ ادام. 1986 جىلى امەريكا قۇراما شتاتتارىمەن ەركٸن كەلٸسٸمشارت نەگٸزٸندە تەۋەلسٸزدٸك الدى. 1947-1962 جىلدار ارالىعىندا مەملەكەتتٸڭ ارالدارىندا يادرولىق سىناقتار جٷرگٸزٸلدٸ. 1954 جىلى اقش بيكيني اتوللدا سۋتەگٸ بومباسىن العاش رەت سىناقتان ٶتكٸزدٸ. جارىلىس ارالدى تولىعىمەن جويىپ جٸبەردٸ.
ەكونوميكاسىنىڭ نەگٸزٸن قۇرايتىن سالالار - تابيعي اۋىل شارۋاشىلىق ٶنٸمدەرٸ, كوپرا ٶنٸمدەرٸن ەكسپورتتاۋ جەنە اقش-تان الاتىن قارجىلاي كٶمەك. ۆاليۋتالىق تٷسٸمدەردٸڭ ٷلكەن بٶلٸگٸ - تۋريزمنەن كەلٸپ تٷسەتٸن كٸرٸس.
ەلدٸڭ باستى پروبلەمالارىنىڭ بٸرٸ - جاھاندىق كليماتتىڭ ٶزگەرۋٸ. بۇل - تەڭٸز دەڭگەيٸنٸڭ كٶتەرٸلۋٸ, جاعالاۋداعى ەروزييا, تۇزدى سۋدىڭ توپىراققا ەنۋٸ, قۇرعاقشىلىق پەن سۋ تاسقىنى, تسيكلوندار مەن داۋىلدار.
