ەنەرگەتيكا مينيسترٸ قانات بوزىمباەۆ وتاندىق بەنزيندٸ ەكسپورتقا شىعارۋ مەرزٸمٸن اتادى, دەپ حابارلايدى Sputnik قازاقستان اگەنتتٸگٸ.
"وسى ايدان باستاپ ەۋرازييالىق ەكونوميكالىق وداق ارقىلى بەنزين ەكسپورتىن جاساۋعا جول اشىلدى. جاقىن كٷندەرٸ قازاقستاندىق بەنزيننٸڭ العاشقى پارتيياسىن الىس شەتەلگە جٸبەرۋ جوسپارلانىپ وتىر", - دەدٸ بوزىمباەۆ ەسەپ بەرۋ كەزدەسۋٸندە.
مينيستر ەكسپورتتىڭ كٶلەمٸن دە اتاپ ٶتتٸ. مەسەلەن, شەتەلگە شىعارىلاتىن اي-92 ماركالى بەنزين 60-70 مىڭ توننا بولسا, اي-95-تٸڭ كٶلەمٸ باستاپقىدا 10-15 مىڭ توننا شاماسىندا بولادى. قازٸرگٸ كەزدە شەتەلدٸك كونتراگەنتتەرمەن قازاقستاندىق بەنزيندٸ جەتكٸزۋ جٶنٸندە كەلٸسٸمشارت جاسالىپ جاتىر.
مينيستردٸڭ ايتۋىنشا, بٷگٸندە ەۋرازييالىق ەكونوميكالىق وداق اياسىندا كەيبٸر مەملەكەتتەر قازاقستاندىق مۇنايدى ٶز زاۋىتتارىندا ٶڭدەۋگە مٷددەلٸ. ولار بەنزين ساتىپ الۋدى دا كٶزدەيدٸ. وسىعان بايلانىستى قازاقستان ٶزٸنٸڭ ناقتى تالاپتارىن قويعان.
"ەۋرازييالىق ەكونوميكالىق وداق اياسىنداعى سەرٸكتەستەرٸمٸز – بەلارۋس پەن قىرعىزستان قازاقستاندىق مۇناي مەن مۇناي ٶنٸمدەرٸن ساتىپ الۋعا مٷددەلٸ. بٸراق بٸز ناقتى تالاپتارىمىزدى قويدىق. سەبەبٸ بٷگٸندە وداق اياسىندا جەتكٸزٸلەتٸن تاۋارلارعا باج سالىعى سالىنبايدى. وندايدا الىپساتارلىق ەرەكەتتەرگە جول بەرٸلۋٸ مٷمكٸن. بۇل دەگەنٸمٸز, ول تاۋارلارعا اقشا قوسىپ, باسقا ەلدەرگە ساتىپ جٸبەرەدٸ. وسىعان بايلانىستى بٸز ارنايى كەلٸسٸمدەرگە قول قويىپ, ول قۇجاتتاردا بارلىق مەسەلەنٸ ەسكەرەمٸز. كەلٸسسٶزدەر سەتتٸ اياقتالادى دەگەن سەنٸم بار", - دەپ اتاپ كٶرسەتتٸ بوزىمباەۆ.
مينيسترلٸكتٸڭ مەلٸمەتٸنە سەيكەس, قازاقستاندىق مۇناي ٶنٸمدەرٸن قىرعىزستان, ٶزبەكستان, تەجٸكستان, اۋعانستان مەن شىعىس ەۋروپا ەلدەرٸنە جەتكٸزۋ جوسپارلانعان.
