فوتو: primeminister.kz
قازاقستان جەر سٸلكٸنٸسٸنەن زارداپ شەككەن سيريياعا 50 توننا گۋمانيتارلىق كٶمەك جٸبەرەدٸ, - دەپ حابارلايدى "ۇلت اقپارات" پرەمەر-مينيستردٸڭ باسپاسٶز قىزمەتٸنە سٸلتەمە جاساپ.
"بەيسەنبٸ, 9 اقپاندا, ٷكٸمەت ٷيٸندە پرەمەر-مينيستردٸڭ بٸرٸنشٸ ورىنباسارى رومان سكلياردىڭ تٶراعالىعىمەن حالىقارالىق گۋمانيتارلىق كٶمەك مەسەلەلەرٸ جٶنٸندەگٸ كوميسسييانىڭ وتىرىسى ٶتتٸ.
وتىرىستا جويقىن جەر سٸلكٸنٸستەرٸنەن زارداپ شەككەن سيرييا اراب رەسپۋبليكاسىنا 50 توننا گۋمانيتارلىق كٶمەك جٸبەرۋ تۋرالى شەشٸم قابىلداندى. مەملەكەتتٸك ماتەريالدىق رەزەرۆتەن كونسەرۆٸلەنگەن ٶنٸمدەر, جىلى كيٸم-كەشەكتەر, قىسقى شاتىرلار, كەرەۋەتتەر مەن تٶسەك-ورىن جابدىقتارى بٶلٸنەدٸ" - دەلٸنگەن حابارلامادا.
جٷك يسلام ىنتىماقتاستىعى ۇيىمىنىڭ جەلٸسٸ بويىنشا الەپپو قالاسىنا تٶرت ەۋە رەيسٸمەن جەتكٸزٸلمەك.
ايتا كەتەيٸك, مەملەكەت باسشىسى قاسىم-جومارت توقاەۆ ٷكٸمەتكە سيريياعا گۋمانيتارلىق كٶمەك كٶرسەتۋ تۋرالى تاپسىرما بەرگەن بولاتىن.
