فوتو: قر سٸم
قازاقستان الەكسەي بوروداۆكيننٸڭ داۋلى سۇحباتىنا قاتىستى رەسەي تاراپىنان تٷسٸنٸكتەمە الدى. بۇل تۋرالى قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ايتتى, دەپ حابارلايدى قازاقپارات.
بٷگٸن سىرتقى ٸستەر مينيسترلٸگٸ ٶتٸپ بارا جاتقان جىلدى قورىتىندىلاپ, باق ٶكٸلدەرٸنە باسپاسٶز مەسليحاتىن ٶتكٸزگەن بولاتىن. ٸس-شارا بارىسىندا تٸلشٸلەر ايبەك سماديياروۆتان: «رەسەيدٸڭ قازاقستانداعى ەلشٸسٸ الەكسەي بوروداۆكين «ەلٸمٸزدە ۇلتشىلدىقتىڭ كٶرٸنٸستەرٸ بار. كەرەك بولسا, رەسەي كٶمەكتەسە الادى» دەپ ايتتى. سىرتقى ٸستەر مينيسترلٸگٸنٸڭ ەلشٸسٸنٸڭ وسى پٸكٸرٸنە قاتىستى ۇستانىمى قانداي?», دەپ سۇراعان ەدٸ.
«بۇل مەسەلەگە قاتىستى رەسەي ەلشٸسٸ الەكسەي بوروداۆكينمەن كەزدەسۋ ٶتكٸزٸلدٸ. سونداي-اق مەجٸلٸس تٶراعاسى ەرلان قوشانوۆ رەسەي ەلشٸسٸنٸڭ سٶزٸنە تٷسٸنٸك بەردٸ. سٸزدەر ونى بٸلەسٸزدەر. رەسەيدٸڭ سىرتقى ٸستەر مينيسترٸ سەرگەي لاۆروۆ قازاقستاندىق تەلەارنالارعا وسى مەسەلە بويىنشا تٷسٸنٸك بەرگەن. بٷگٸندە مەسەلە جابىق دەپ سانايمىز, تٷسٸنٸكتەمەلەر قابىلداندى», - دەپ جاۋاپ بەردٸ ول.
سونىمەن قاتار مينيسترلٸكتٸڭ رەسمي ٶكٸلٸ قازاقستان مەن رەسەي اراسىنداعى قارىم-قاتىناستى پرەزيدەنتتەر انىقتايتىندىعىن باسا ايتتى.
«مەملەكەت باسشىسى قاسىم-جومارت توقاەۆتىڭ رەسەيگە سوڭعى ساپارى كەزٸندە قوس ەلدٸڭ پرەزيدەنتتەرٸ مەسكەۋدە ٶتكەن كەلٸسسٶزدەردٸڭ قورىتىندىسىدا ديپلوماتييالىق قارىم-قاتىناستىڭ ورناعانىنا 30 جىل تولۋىنا وراي دەكلاراتسيياعا قول قويدى. پرەزيدەنتٸمٸز اتاپ ٶتكەندەي, وسى ۋاقىت ٸشٸندە ەكٸ مەملەكەت دوستىق پەن تاتۋ كٶرشٸلٸكتٸڭ بەرٸك بايلانىسىنا نەگٸزدەلگەن ٶزارا تيٸمدٸ ەرٸپتەستٸك قۇرا الدى. قازاقستان مەن رەسەي اراسىندا سەنٸمدٸ, سىندارلى ديالوگ ورنادى. ىنتىماقتاستىقتىڭ جوعارى دەڭگەيٸنە قول جەتكٸزٸلدٸ», - دەدٸ ايبەك سماديياروۆ.
بۇعان دەيٸن رەسەيدٸڭ قازاقستانداعى ەلشٸسٸ الەكسەي بوروداۆكيننٸڭ بەرگەن سۇحباتىنا قاتىستى پٸكٸر بٸلدٸرگەن مەجٸلٸس تٶراعاسى ەرلان قوشانوۆ «ەلشٸنٸڭ سۇحباتىنىڭ كەي تۇستارى ونىڭ مەرتەبەسٸنە ساي كەلمەيدٸ ەرٸ پايدا ەكەلمەيدٸ دەپ ويلايمىن. بوروداۆكين مىرزا ٶتە تەجٸريبەلٸ ديپلومات, ول ٷگٸت-ناسيحاتشىلار مەن ساياساتتانۋشىلاردىڭ جەتەگٸندە كەتپەۋٸ كەرەك», - دەگەن بولاتىن.
