قاراشا ايىندا كٶكشەتاۋ قالاسىندا قازاقستان-رەسەي XVII ايماقارالىق ىنتىماقتاستىق فورۋمى ٶتپەيتٸن بولدى. بۇل تۋرالى قر پرەزيدەنتٸنٸڭ باسپاسٶز حاتشىسى بەرٸك ۋەلي مەلٸم ەتتٸ, دەپ حابارلايدى "ۇلت اقپارات".
«ەپيدەميولوگييالىق جاعدايدىڭ قيىنداي تٷسۋٸنە بايلانىستى قازاقستان مەن رەسەيدٸڭ XVII ايماقارالىق ىنتىماقتاستىق فورۋمىنىڭ ٶتەتٸن ۋاقىتى كەيٸنگە شەگەرٸلدٸ. بۇعان دەيٸن فورۋم بيىلعى قاراشا ايىنىڭ ەكٸنشٸ جارتىسىندا ەكٸ ەل باسشىلارىنىڭ قاتىسۋىمەن كٶكشەتاۋ قالاسىندا ٶتەدٸ دەپ جوسپارلانعان بولاتىن», - دەپ جازدى بەرٸك ۋەلي Facebook-تە.
ەسكە سالايىق, قازاقستان مەن رەسەي اراسىنداعى XVI ٶڭٸرارالىق ىنتىماقتاستىق فورۋمى بىلتىر قاراشا ايىندا رەسەيدٸڭ ومبى قالاسىندا ٶتكەن بولاتىن.
قازاقستان پرەزيدەنتٸ قاسىم-جومارت توقاەۆ كەزەكتٸ XVIٸ فورۋمدى 2020 جىلى كٶكشەتاۋ قالاسىندا ٶتكٸزۋدٸ ۇسىنعان ەدٸ.
ايتا كەتەيٸك, كٶرشٸلەس ەكٸ ەل اراسىنداعى ٶڭٸرارالىق ىنتىماقتاستىق فورۋمى 2003 جىلدان بەرٸ تۇراقتى ۇيىمداستىرىلىپ كەلەدٸ.
