پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە سوعىس جاعدايى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى قازاقپارات.
زاڭ جوباسىنىڭ نەگٸزگٸ ماقساتى – سوعىس جاعدايى سالاسىنداعى زاڭنامانى جەتٸلدٸرۋ. بۇل ەلٸمٸزدە قاۋٸپسٸزدٸككە تٶنەتٸن قاتەرگە دەن قويۋ ٷشٸن مەملەكەتتٸڭ قورعانىس ەلەۋەتٸن قولداۋ قاجەتتٸگٸنەن تۋىنداپ وتىر.
زاڭ جوباسىمەن قازاقستان رەسپۋبليكاسىنىڭ ەڭبەك كودەكسٸنە جەنە «جۇمىلدىرۋ دايىندىعى مەن جۇمىلدىرۋ تۋرالى», «مەملەكەتتٸك قۇپييالار تۋرالى», «سوعىس جاعدايى تۋرالى», «قازاقستان رەسپۋبليكاسىنىڭ قورعانىسى جەنە قارۋلى كٷشتەرٸ تۋرالى», «بٸلٸم تۋرالى» جەنە «ەسكەري قىزمەت جەنە ەسكەري قىزمەتشٸلەردٸڭ مەرتەبەسٸ تۋرالى» زاڭدارىنا تٷزەتۋلەر ەنگٸزٸلەدٸ.
«ونىڭ ماقساتى – مەملەكەتتٸڭ سوعىس جاعدايى كەزەڭٸندە جۇمىس ٸستەۋٸ, سونىمەن قاتار بەيبٸت ۋاقىتتا وعان دايىندالۋ مەسەلەسٸن قۇقىقتىق رەتتەۋ. ەسٸرەسە, «سوعىس جاعدايى تۋرالى» زاڭدا پرەزيدەنت ٶكٸلەتتٸگٸن تولىقتىرۋ ۇسىنىلىپ وتىر. ول بەيبٸت ۋاقىتتا ٸسكە اسىرىلادى. بۇل سوعىس جاعدايى سالاسىن قولدانۋ تەرتٸبٸن ايقىنداۋ, قارۋلى كٷشتەر جوعارعى باس قولباسشىلىعى ستاۆكاسى تۋرالى, قورعانىس كەڭەستەرٸ تۋرالى, سوعىس جاعدايى كەزەڭٸندە ٷكٸمەت قىزمەتٸن ۇيىمداستىرۋ تۋرالى ەرەجەنٸ بەكٸتۋ بولىپ وتىر», - دەدٸ قر قورعانىس مينيسترٸنٸڭ بٸرٸنشٸ ورىنباسارى مۇرات بەكتانوۆ.
ودان باسقا ٷكٸمەت قىزمەتٸ مىناداي ٶكٸلەتتٸكپەن تولىقتىرىلادى: بەيبٸت ۋاقىتتا سوعىس جاعدايى كەزەڭٸندەگٸ مينيسترلٸكتەر تۋرالى ەرەجەنٸ بەكٸتۋ, سوعىس جاعدايى كەزەڭٸندە مەملەكەتتٸك ورگاندى سوعىس ۋاقىتىنداعى شتاتقا كٶشٸرۋدٸ ۇيىمداستىرۋ, جەرگٸلٸكتٸ اتقارۋشى ورگانعا ازاماتتىق جەنە اۋماقتىق قورعانىس سالاسىن قامتاماسىز ەتۋ مٸندەتٸن بەلگٸلەۋ.
«سونىمەن قاتار, سوعىس جاعدايى كەزەڭٸندە جەرگٸلٸكتٸ اتقارۋشى ورگاننىڭ ٶكٸلەتتٸگٸن كٶزدەۋ, ولارعا «وبلىستىڭ, رەسپۋبليكالىق ماڭىزى بار قالانىڭ, استانانىڭ قورعانىس كەڭەسٸن» قۇرۋعا ٶكٸلەتتٸك بەرۋ ۇسىنىلادى. بۇل رەتتە قورعانىس كەڭەستەرٸ ەسكەري باسقارۋ ورگانى رەتٸندە سوعىس جاعدايى سالاسىنىڭ ورىندالۋىن قامتاماسىز ەتەدٸ. ولار تەك سوعىس جاعدايى كەزەڭٸنە قۇرىلادى. سوندىقتان قارۋلى كٷشتەر قۇرىلىمىنا كٸرمەيدٸ», - دەپ ناقتىلادى ۆەدومستۆو ٶكٸلٸ.
مۇنىمەن قوسا, «قورعانىس جەنە قارۋلى كٷشتەر تۋرالى» زاڭعا قورعانىستى جوسپارلاۋ بويىنشا بٸرقاتار تٷزەتۋ ەنگٸزۋ ۇسىنىلدى. ولار جٷيەلٸ تٷردە, ياعني بارلىق باسقارۋ ۆەرتيكالى بويىنشا قارالدى. ەربٸر دەڭگەيگە تيٸستٸ ٶكٸلەتتٸك پەن فۋنكتسييا ەنگٸزٸلەدٸ. بٸرٸنشٸدەن, پرەزيدەنت ٶكٸلەتتٸگٸن قورعانىستى جوسپارلاۋ قاعيداسىن بەكٸتۋمەن تولىقتىرۋ ۇسىنىلادى. وندا جوسپاردىڭ قۇجاتتار جيناعى, مەملەكەتتٸك ورگاننىڭ قۇجاتتى ەزٸرلەۋ قۇزىرەتٸ كٶزدەلگەن.
«ەسكەري قىزمەت تۋرالى» زاڭعا زاپاستاعى سەرجانتتى دايارلاۋ بويىنشا بٸرنەشە تٷزەتۋ ەنگٸزٸلەدٸ. ەسكەري رەزەرۆتٸ تولىقتىرۋ ماقساتىندا ەسكەري كافەدرادا اقىلى نەگٸزدە زاپاستاعى سەرجانتتى دايارلاۋ ۇسىنىلادى. «بٸلٸم تۋرالى» زاڭعا جوعارى بٸلٸم بەرۋ ۇيىمىنا وسى باعدارلاما بويىنشا اقىلى نەگٸزدە زاپاستاعى سەرجانتتى دايارلاۋ ٶكٸلەتتٸگٸن بەرۋ ارقىلى تولىقتىرۋ ۇسىنىلدى», - دەدٸ قورعانىس مينيسترٸنٸڭ بٸرٸنشٸ ورىنباسارى.
