قر پرەزيدەنتٸنٸڭ باسپاسٶز حاتشىسى بەرٸك ۋەليدەن كوروناۆيرۋس انىقتالدى. بۇل تۋرالى ول Facebook-تەگٸ پاراقشاسىندا حابارلادى.
«ارداقتى اعايىن! ٶكٸنٸشكە قاراي, بٷگٸن اسا بٸر جايسىز جاڭالىقتى جارييالايىن دەپ وتىرمىن. ەلەمدٸ اينالىپ, ەلٸمٸزدٸ شارلاپ كەتكەن كوروناۆيرۋس ٸندەتٸ مەنەن دە تابىلدى. كەشە تاپسىرعان تەست قورىتىندىسى وڭ نەتيجە بەردٸ. قازٸر اۋرۋحانادا, دەرٸگەرلەردٸڭ قاراۋىندا جاتىرمىن. جاعدايىم بٸر قالىپتى. اسا الاڭدايتىنداي ەمەس. ەم قابىلداۋدامىن» دەپ جازدى ول.
سونداي-اق, قر پرەزيدەنتٸنٸڭ باسپاسٶز حاتشىسى پرەزيدەنت بەلگٸلەنگەن كەستەگە سەيكەس جۇمىس ٸستەپ جاتقانىن اتاپ ٶتتٸ. مەملەكەت باسشىسىنىڭ دەنساۋلىعىنا ەشقانداي قاۋٸپ تٶنٸپ تۇرماعانىن, قاسىم-جومارت كەمەلۇلى ٷنەمٸ تەست تاپسىرىپ, قورىتىندىسىن الىپ وتىرعانىن مەلٸمدەدٸ. اقوردادا سانيتارلىق رەجيم كٷشەيتٸلٸپ, قاۋٸپسٸزدٸك شارالارى قاتايتىلعانى تۋرالى ايتتى.
«وسى ٸندەت باستالعالى بارلىعىمىز دابىل قاعىپ, ساقتانۋعا, دەرتتٸ جۇقتىرماۋدىڭ جولدارىن قاراستىرۋعا شاقىرىپ كەلەمٸز. بٸراق پاندەميياعا سەنبەيتٸن, اۋرۋدى جوق دەۋشٸلەر ازايماي تۇر. وندايدا «اۋىرعان ادامدى كٶرسەتٸڭدەرشٸ«, «مەنٸڭ تانىسىمنىڭ بٸردە-بٸرٸ اۋىرعان جوق. سوندا ونىمەن كٸم اۋىرىپ جاتىر?», «اۋىرعان ادامداردىڭ اتتارىن نەگە اتامايدى?« دەگەن سيياقتى پٸكٸرلەردٸ جيٸ ەستيتٸنبٸز. مٸنە, مەن دەرت جۇقتىردىم, ونى جاسىرماي جارييالاپ وتىرمىن. مۇنداعى ماقسات الاڭسىز جٷرگەن ازاماتتار ويلانسىن, سەنبەي جٷرگەن كٸسٸلەردٸڭ كٶزٸ جەتسٸن دەگەنٸم. اۋرۋ بار. ونى جۇقتىرۋشىلاردىڭ سانى كٷن سايىن ارتىپ جاتىر. قانشا جەردەن ساقتىق شارالارىن قاتاڭ ساقتاپ جٷرسەك تە, بٸز دە جۇقتىردىق. ەندٸ ەمدەلۋ كەرەك» دەپ جازدى ول.
سٶز سوڭىندا بەرٸك ۋەلي جۇرتشىلىقتى ساقتىققا شاقىردى: «بارشاڭىزدى ٶزدەرٸڭٸزدٸڭ جەنە جاقىندارىڭىزدىڭ دەنساۋلىعىن ساقتاۋ ٷشٸن كارانتين رەجيمٸ مەن پروفيلاكتيكالىق شارالاردى ۇستانۋعا شاقىرامىن. پاندەميياعا جەڭٸل-جەلپٸ قاراۋعا بولمايدى
سونداي-اق بەرٸك ۋەلي Instagram پاراقشاسىندا مەديتسينالىق زەرتتەۋ فوتوسىن جارييالادى.
