29 تامىز كٷنٸ قازاقستان اۋماعىندا قۇرىلعان حالىقارالىق تٶمەن بايىتىلعان ۋران بانكٸنٸڭ رەسمي اشىلۋى ٶتەدٸ, دەپ حابارلايدى قازاقپارات.
بۇل تۋرالى قر پارلامەنتٸ سەناتىنىڭ تٶراعاسى قاسىم-جومارت توقاەۆ استانادا ٶتٸپ جاتقان پاگۋوش عالىمدار قوزعالىسىنىڭ 62-شٸ كونفەرەنتسيياسىندا مەلٸم ەتتٸ.
ەسكە سالا كەتسەك, 29 تامىزدى بۇۇ يادرولىق سىناقتارعا قارسى كٷرەس كٷنٸ دەپ بەلگٸلەگەن.
«بٸز 2005 جىلى سەمەيدە قول قويىلعان ورتالىق ازييادا يادرولىق قارۋدان ازات ايماق قۇرۋ تۋرالى شارتتى ٸسكە اسىرۋ باعىتىندا بەلسەندٸ جۇمىستار جٷرگٸزۋدەمٸز. قازاقستان اۋماعىندا ماگاتە حالىقارالىق تٶمەن بايىتىلعان ۋران بانكٸنٸڭ قۇرىلۋى يادرولىق قارۋدى تاراتپاۋدى نىعايتۋعا قوسقان قوماقتى ٷلەس بولىپ تابىلادى. ونىڭ اشىلۋى 29 تامىز كٷنٸ مەملەكەت باسشىسىنىڭ قاتىسۋىمەن ٶتەدٸ», - دەدٸ سەنات سپيكەرٸ پاگۋوش عالىمدار قوزعالىسى كونفەرەنتسيياسىنىڭ اشىلۋىندا.
قاسىم-جومارت توقاەۆ قازاقستاننىڭ تەۋەلسٸزدٸككە قول جەتكٸزگەن سەتتەن باستاپ, ٶزٸنە العان حالىقارالىق مٸندەتتەمەلەردٸ مٷلتٸكسٸز ورىنداپ, يادرولىق قاۋٸپسٸزدٸكتٸ قامتاماسىز ەتۋ مەن مەن يادرولىق قارۋدى تاراتپاۋ ٸسٸنە ەلەۋلٸ ٷلەس قوسىپ كەلە جاتقانىن اتاپ ٶتتٸ. سوندىقتان, ەلەمدٸك قاۋىمداستىق قازاقستاندى يادرولىق قارۋعا قارسى قوزعالىستىڭ كٶشباسشىسى دەپ تانيدى.
«بارشا ادامزاتتىڭ بەيبٸت ٶمٸر سٷرۋٸ مەن تۇراقتى بولاشاعى ٷشٸن كٷرەس جولىندا قازاقستان رەسپۋبليكاسىنىڭ ٸرگەسٸن قالاعان پرەزيدەنت نۇرسۇلتان نازارباەۆ قوسقان ٷلەستٸڭ تاريحي ماڭىزى زور. مەملەكەت باسشىسىنىڭ 1991 جىلى سەمەي يادرولىق پوليگونىن جابۋ مەن يادرولىق قارۋدىڭ قۋاتى جاعىنان ەلەمدەگٸ تٶرتٸنشٸ ارسەنالىنان باس تارتۋ تۋرالى شەشٸمدەرٸ جاھاندىق قاۋٸپسٸزدٸككە قاراي جاساعان جاۋاپتى قادامنىڭ تەڭدەسسٸز ٷلگٸسٸ بولدى», - دەدٸ ول.
سونىمەن بٸرگە, ق.توقاەۆ قازاقستاننىڭ يادرولىق قارۋدان باس تارتۋ جەنە ونى تاراتپاۋ, يادرولىق قاۋٸپسٸزدٸك جٶنٸندەگٸ بارلىق حالىقارالىق شارتتاردىڭ قاتىسۋشىسى ەكەنٸن اتاپ ٶتتٸ.
«ەلٸمٸزدٸڭ باستاماسىمەن بۇۇ باس اسسامبلەياسى سەمەي پوليگونى جابىلعان كٷن - 29 تامىزدى حالىقارالىق يادرولىق سىناقتارعا قارسى كٷرەس كٷنٸ جەنە 26 قىركٷيەكتٸ حالىقارالىق يادرولىق قارۋدى تٷبەگەيلٸ جويۋ ٷشٸن كٷرەس كٷنٸ دەپ جارييالادى. قازاقستاننىڭ باستاماسىمەن بۇۇ باس اسسامبلەياسىنىڭ 2015 جىلى جەلتوقساندا قابىلداعان يادرولىق قارۋدان ازات ەلەمگە قول جەتكٸزۋ جٶنٸندەگٸ جالپىعا ورتاق دەكلاراتسيياسىن قابىلدادى», - دەپ ەسكە سالدى ق.توقاەۆ.
ەسكە سالا كەتسەك, 25-29 تامىز كٷندەرٸ قازاقستان استاناسىندا عىلىم مەن جاھاندىق پروبلەمالاردى تالقىلايتىن پاگۋوش عالىمدار قوزعالىسىنىڭ 62-شٸ كونفەرەنتسيياسى ٶتەدٸ.
