قازاقستان پرەزيدەنتٸ قاسىم-جومارت توقاەۆ م.ۆ.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ رەكتورى ۆيكتور سادوۆنيچيي مەن حالىقارالىق ىنتىماقتاستىق جەنە اشىق ديپلوماتييا جٶنٸندەگٸ رەسەي قوعامدىق كەڭەسٸنٸڭ تٶراعاسى سەرگەي وردجونيكيدزەنٸ قابىلدادى, دەپ حابارلايدى اقوردانىڭ باسپاسٶز قىزمەتٸ.
كەزدەسۋ بارىسىندا مەملەكەت باسشىسى قازاقستان مەن رەسەي قارىم-قاتىناستارى تاتۋ كٶرشٸلٸك جەنە وداقتاستىق نەگٸزدە جەمٸستٸ دامىپ كەلە جاتقانىن اتاپ ٶتتٸ.
- سٸزدەرمەن نۇر-سۇلتان قالاسىندا جٷزدەسكەنٸمە قۋانىشتىمىن. مەسكەۋ مەملەكەتتٸك ۋنيۆەرسيتەتٸنٸڭ فيليالى ەلوردادا ەكٸ مىڭىنشى جىلدارى اشىلدى. بٷگٸندە قازاقستاندىق ستۋدەنتتەرگە ساپالى بٸلٸم بەرٸپ وتىرعان بۇل وقۋ ورنى تابىستى جۇمىس ٸستەۋدە. جاقىندا مەسكەۋدە ٶتكەن كەلٸسسٶزدەر اياسىندا ۆلاديمير پۋتينمەن بٸلٸم سالاسىنداعى ەكٸجاقتى ىنتىماقتاستىق دەڭگەيٸنٸڭ جوعارى ەكەنٸن اتاپ ٶتتٸك, سونداي-اق ونى جوسپارلى تٷردە دامىتۋعا ۋاعدالاستىق, - دەدٸ قاسىم-جومارت توقاەۆ.
مەسكەۋ مەملەكەتتٸك ۋنيۆەرسيتەتٸنٸڭ رەكتورى كەزدەسۋگە مٷمكٸندٸك تۋعىزعانى ٷشٸن قازاقستان پرەزيدەنتٸنە العىس بٸلدٸردٸ. ۆ.سادوۆنيچيي ەكٸ ەلدٸڭ جوعارى وقۋ ورىندارى اراسىنداعى كٶپ جىلدىق بايلانىستاردىڭ جەمٸستٸ بولعانىن اتاپ ٶتتٸ.
- مەنٸڭ قازاقستانعا دەگەن ىقىلاسىم ەرەكشە. م.ۆ.لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸنٸڭ فيليالى قازاقستاندى جاڭعىرتۋدىڭ جاڭا كەزەڭٸندە سۇرانىسقا يە, بٸلٸكتٸ كادرلاردى دايارلاۋعا زور ٷلەس قوسقانىن ماقتان ەتەمٸن, - دەدٸ ۆيكتور سادوۆنيچيي.
سونىمەن قاتار, تاراپتار ەكٸ مەملەكەت اراسىنداعى مەدەني-گۋمانيتارلىق ىنتىماقتاستىقتىڭ ٶزەكتٸ مەسەلەلەرٸ جٶنٸندە پٸكٸر الماستى.
