سايلاۋ كٷنٸ قارساڭىندا قازاقستاننىڭ بارلىق اۋماعىندا قاۋٸپسٸزدٸك شارالارى كٷشەيتٸلەدٸ. بۇل تۋرالى ٸشكٸ ٸستەر مينيسترٸ ەرلان تۇرعىمباەۆ ايتتى, دەپ حابارلايدى "ۇلت اقپارات".
مينيستر قازٸر بٷكٸل ەلدٸڭ اۋماعىندا "قۇقىق تەرتٸبٸ" وپەراتسيياسى جٷرگٸزٸلٸپ جاتقانىن, سوندىقتان قاۋٸپسٸزدٸك شارالارى قولعا الىنعانىن اتاپ ٶتتٸ.
"وپەراتسييا 6 ماۋسىمعا دەيٸن جٷرگٸزٸلەدٸ. سايلاۋعا بايلانىستى 7-12 ماۋسىم ارالىعىندا بارلىق پوليتسييا كٷشەيتٸلگەن رەجيمدە جۇمىس ٸستەيدٸ", - دەدٸ تۇرعىمباەۆ ٷكٸمەت كۋلۋارىندا.
ول 8 ماۋسىم تىنىشتىق كٷنٸ ەكەنٸن, سوندىقتان ٷگٸت-ناسيحاتقا تىيىم سالىنعانىن ەسكە سالدى.
"9 ماۋسىمدا سايلاۋ, ول ٶتە ەرتە باستالادى. قاۋٸپسٸزدٸكتٸ قامتاماسىز ەتۋ ٷشٸن بٸزدٸڭ پاترۋل بارلىق دەرلٸك جەردە جۇمىس ٸستەيدٸ. بۇل سايلاۋ كەزٸندە ٶتكٸزٸلەتٸن قالىپتى شارالار", - دەپ سەندٸردٸ مينيستر.
تۇرعىمباەۆتىڭ ايتۋىنشا, قوعامدىق قاۋٸپسٸزدٸكتٸ قامتاماسىز ەتۋگە 21 مىڭ پوليتسەي جۇمىلدىرىلماق.
قازاقستانداعى پرەزيدەنت سايلاۋى
كەزەكتەن تىس پرەزيدەنت سايلاۋى 9 ماۋسىمدا ٶتەدٸ. سايلاۋ ۋچاسكەلەرٸندە داۋىس بەرۋ تاڭعى ساعات 7:00-دەن 20:00-گە دەيٸن ٶتەدٸ.
وسى جولى قازاقستان پرەزيدەنتتٸگٸنە جەتٸ ادام تالاسادى. ولار:
-
Nur Otan پارتيياسى اتىنان قاسىم-جومارت توقاەۆ;
-
"ۇلت تاعدىرى" قوزعالىسى اتىنان ەمٸرجان قوسانوۆ;
-
قازاقستان كوممۋنيستٸك حالىق پارتيياسى اتىنان جامبىل احمەتبەكوۆ;
-
"اۋىل" پارتيياسى اتىنان تٶلەۋتاي راقىمبەكوۆ;
-
"اق جول" دەموكراتييالىق پارتيياسى اتىنان دانييا ەسپاەۆا;
-
كەسٸپوداقتار فەدەراتسيياسى اتىنان امانگەلدٸ تاسپيحوۆ;
-
"ۇلى دالا قىراندارى" قوعامدىق بٸرلەستٸگٸ اتىنان سەدٸبەك تٷگەل.
پرەزيدەنت سايلاۋىنا 12 067 475 بيۋللەتەن دايىندالادى.
