ەكسپو-2017 حالىقارالىق كٶرمەسٸندەگٸ قازاقستان پاۆيلونى 90 پايىزعا دايىن. بۇل تۋرالى بٷگٸن قر ٷكٸمەتٸندەگٸ باسپاسٶز مەسليحاتىندا ەلٸمٸزدٸڭ ەنەرگەتيكا مينيسترٸ قانات بوزىمباەۆ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
«قازٸردٸڭ ٶزٸندە قازاقستان پاۆيلونى 90 پايىزعا دايىن. ٶزدەرٸڭٸز دە بٸلەتٸندەي, ٶنەرتاپقىشتاردىڭ تۋىندىلارىن تٶرەشٸلەر تاڭداپ الدى. وسى ۋاقىتتا بالاما ەنەرگەتيكا سالالارىنا, جالپى ايتقاندا «جاسىل ەكونوميكاعا» قاتىسى بار 28 تۋىندى ٸرٸكتەلدٸ. ونىڭ 11-ٸ ماكەت رەتٸندە, ال قالعانى ۆيدەو روليك رەتٸندە كٶرسەتٸلەتٸن بولادى. ماكەتتەر قازٸرگٸ ۋاقىتتا سانكت-پەتەربۋرگتە جاسالىپ جاتىر. مەنٸڭ ورىنباسارىم ٶتكەن اپتادا بارىپ كەلدٸ, جۇمىس تيٸستٸ دەڭگەيدە جٷرگٸزٸلۋدە. ۆيدەو روليكتەر دە جاسالۋدا. شامامەن 1-2 اپتانىڭ ٸشٸندە تولىعىمەن دايىن بولادى», - دەدٸ بوزىمباەۆ.
سونىمەن قاتار ول جالپى قازاقستان پاۆيلونىنا بيۋدجەتتەن قانشا اقشا جۇمسالعانىن قازٸرگٸ ۋاقىتتا ايتا المايتىندىعىن اتاپ ٶتتٸ.
«الدىمەن جۇمىستى بٸتٸرەيٸك. ودان كەيٸن اشىق تٷردە ايتاتىن بولامىز», - دەدٸ مينيستر.
ايتا كەتەيٸك, ەكسپو-2017 حالىقارالىق مامانداندىرىلعان كٶرمەسٸ 10 ماۋسىمدا باستالىپ, 10 قىركٷيەككە دەيٸن سوزىلادى. كٶرمەگە 2 ميلليوننان استام ادام كەلەدٸ دەپ كٷتٸلۋدە. ولار كٶرمەنٸ كەمٸندە ەكٸ رەت ارالايدى دەپ جوسپارلانعان. جالپى كٶرمەنٸ تاماشالاۋشىلاردىڭ 85 پايىزىن قازاقستان ازاماتتارى, ال قالعان 15 پايىزىن شەتەلدٸكتەر قۇرايدى. شەتەلدٸكتەردٸڭ باسىم بٶلٸگٸ تمد ەلدەرٸنٸڭ جەنە قىتايدىڭ ازاماتتارى بولادى دەپ كٷتٸلۋدە. قازٸرگٸ ۋاقىتتا 112 مەملەكەت پەن 18 حالىقارالىق ۇيىم ەكسپو كٶرمەسٸنە قاتىساتىندىعىن رەسمي تٷردە راستادى.
