قازاقستان پاسپورتى نەگە ەلسٸز?

فوتو: Bizmedia.kz

 Ult.kz-تە جيھانكەز جۋرناليست دينارا بولاتتىڭ ٶزگە پايىمى.

جاز مەزگٸلٸندە كٶپ ادامدا ەڭبەك دەمالىسى. الايدا شەت ەل ارالاپ, دەمالعىسى كەلەتٸن قازاقستان ازاماتى ٷشٸن تاڭداۋ شەكتەۋلٸ. سەبەبٸ كٶپ ەل ۆيزانى قاجەت ەتەدٸ. ال ۆيزا الۋ مەسەلەسٸندە دەل قازاقستان ازاماتتارى ٷشٸن تالاپ جوعارى.

مەسەلەن كٶپ قازاق تۇرىپ جاتقان مالايزييا وڭتٷستٸك-شىعىس ازيياداعى ەڭ «كٷشتٸ» پاسپورتتاردىڭ بٸرٸ. جاپونييا, سينگاپۋر, وڭتٷستٸك كورەيا پاسپورتتارىمەن قاتار ەلەمدٸك رەيتينگتە جوعارى ورىن الادى. مالايزييا ازاماتى 182 ەلگە ۆيزاسىز ەركٸن كٸرەدٸ. ال قازاقستان ازاماتتارى ۆيزاسىز, نە ۆيزانىڭ جەڭٸلدەتٸلگەن تٷرٸمەن تەك 79 ەلگە كٸرە الادى. سەبەبٸ حالىقارالىق ارەنادا بٸزدٸڭ ەلدٸڭ پاسپورتىنىڭ كٷشٸ تٶمەن.

پاسپورتىمىزدىڭ كٷشٸن ارتتىرۋ ٷشٸن نە ٸستەۋ كەرەك?

بيلٸك

ەڭ بٸرٸنشٸ مەسەلە ‒ ٸشكٸ تۇراقتىلىق. ەلدەگٸ زاڭنىڭ دۇرىس جۇمىس ٸستەۋٸن قامتاماسىز ەتۋ قاجەت. زاڭسىز كٶشٸ-قون, جالعان قۇجاتتار, تەرروريزمگە قاتىسى جوق, ەر ازاماتتىڭ جەكە دەرەكتەرٸ قورعالعان قۇقىقتىق مەملەكەت بولۋىمىز شارت. ال ەكٸنشٸ نەگٸزگٸ سەبەپ, ەلدٸڭ ەكونوميكالىق, قوعامدىق-ساياسي جاعدايىنىڭ جوعارعى دەڭگەيٸ, ياعني قازاقستان ازاماتتارىنىڭ شەت ەلگە تەك تۋريست نەمەسە كەسٸپتٸك ۇسىنىستارمەن بارىپ, ەلٸنە قايتىپ كەلەتٸندەي مىقتى بولۋى. ياعني ەشكٸم شەت ەلگە بارىپ, بارعان ەلدٸڭ جاعدايى ٶزٸنٸكٸنەن ارتىق كٶرٸنٸپ, سول مەملەكەتتە بٸلٸم الۋ, ٶمٸر سٷرۋ, تابىس تابۋ ٷشٸن قالىپ قويمايتىنداي بار قاجەتتٸلٸگٸن ٶز اتامەكەنٸ ٶتەيتٸندەي قارجىلاي, مەدەني, عىلىمي, قۇقىقتىق مىقتى بولۋى كەرەك. ودان بٶلەك, ەرينە ەلٸمٸزدٸڭ ديپلوماتييالىق بەدەلٸ دە رول وينايدى. مەسەلەن سوڭعى جىلدارى بٸزدٸڭ رەسەي ساياساتىنا قاتىستى بەيتاراپ پوزيتسييا ۇستانعانىمىزدىڭ ٶزٸ كٶپ نەرسەگە كەدەرگٸ.

حالىق

ٶكٸنٸشكە قاراي ەلٸمٸزدٸڭ سىرتقى كٶرسەتكٸشتەرٸنەن بٶلەك شەت ەلگە دەمالۋعا, ساياحاتقا بارىپ جٷرگەن وتانداستىرىمىزدىڭ ەرەكەتتەرٸ دە قازاقستان پاسپورتىنىڭ بەكگراۋندىنا كەرٸ ەسەرٸن تيگٸزۋدە. وڭتٷستٸك كورەيا ەۋەجايىندا قاشىپ, شەكارادان رۇقساتسىز ٶتكەن ازاماتتار, يندونەزييادا ناشا تاراتىپ ۇستالعاندار, ۆەتنامدا, قىتايدا تٶبەلەس شىعارعان قازاقتار, ٶزگە ەلدٸڭ زاڭىن, دٸلٸن بٸلمەي پرانك جاساعان بلوگەرلەر. مۇنىڭ بەرٸ تۇتاس قازاقستان پاسپورتىمەن شەكارادان ٶتەتٸن ەر ازاماتقا كٷمەنمەن, قاۋٸپپەن قاراۋعا سەبەپ.

وقي وتىرىڭىز: قىتاي ازاماتتارى قازاقستاندىق بلوگەردٸڭ ەرەكەتٸنە نارازى

پايىم

پاسپورت جاي عانا قۇجات ەمەس. قازاقستان پاسپورتىنىڭ حالىقارالىق يميدجٸ ويىنشىق ەمەس. پاسپورتىمىزدىڭ كٷشٸن ارتتىرۋ ٷشٸن بيلٸك ٸستەۋٸ كەرەك تالاي جۇمىس بار. الايدا شەت ەلدە جٷرگەن ەر قازاق ەلٸمٸزدٸڭ ايناسى ەكەنٸن ۇمىتپايىق. بٸز جاقسى جاعىنان كٶرٸنسەك تە, تەرٸس ەرەكەتتەرمەن كٶزگە تٷسسەك تە مۇنى تۇتاس ۇلتپەن بايلانىستىرىپ, تۇتاس قازاقتار تۋرالى پٸكٸر قالىپاساتىنى ەسٸمٸزدە بولسىن. سول سەبەپتٸ تازالىق ساقتاۋ, بارعان ەلدەردٸڭ ەدەت-عۇرپىن, زاڭدارىنا سىيلاستىقپەن قاراۋ, كٸم-كٸممەن دە ەدەپتٸ قاتىناس قۇرۋ كٶپتٸڭ الدىندا ۇلتتىق بەدەلٸمٸزدٸ ارتتىرىپ, بولاشاقتا قازاقستان پاسپورتىن كٷشەيتۋگە قوسار ٷلەسٸمٸز بولماق.

دينارا بولات