ٸندەت ۋشىققاندا وسى كٷنگە دەيٸن «سارى ايماقتا» جالعىز ٶزٸ بولعان تٷركٸستان وبلىسى "قىزىل ايماققا" ٶتتٸ. بۇل تۋرالى 1 شٸلدە كٷنٸ كوروناۆيرۋسپەن كٷرەس جٶنٸندەگٸ ۆەدومستۆوارالىق كوميسسييا حابارلادى.
وسىلايشا ەلدٸڭ ەپيدەمييالىق كارتاسىندا 17 ٶڭٸر تٷگەلدەي "قىزىل ايماقتا" تۇر. كارتا ٷش "جاسىل", "سارى" جەنە "قىزىل" دەيتٸن ٷش ايماقتان تۇرادى. سوڭعىسى ٶڭٸردە اۋرۋدىڭ ۋشىعىپ جاتقانىن بٸلدٸرەدٸ.
24 شٸلدەدەن بەرٸ "قىزىل ايماققا" بٸر عانا تٷركٸستان وبلىسى كٸرمەي كەلگەن. وبلىستا 17 شٸلدەدەن بەرٸ كٷن سايىن جٷزدەن استام ناۋقاس تٸركەلٸپ كەلەدٸ. 31 شٸلدە كٷنٸ كوروناۆيرۋس 124 ادامنىڭ اناليزٸنەن انىقتالدى.
19 ميلليونعا جۋىق حالقى بار قازاقستاندا 14 وبلىس جەنە رەسپۋبليكالىق ماڭىزى بار ٷش قالا (نۇر-سۇلتان, الماتى جەنە شىمكەنت) بار.
رەسمي ستاتيستيكا بويىنشا, ەلدە ٸندەت باستالعالى كوروناۆيرۋسقا 641 547 ادام شالدىققان. بيلٸك مەلٸمەتٸندە ونىڭ 9691-ٸ قايتىس بولعان دەپ كٶرسەتٸلگەن. الايدا بۇل سانعا كوروناۆيرۋس جۇقتىرىپ, "ٶزگە اۋرۋدان" كٶز جۇمدى دەگەن ەكٸ مىڭنان استام ادام كٸرمەي قالعان. دەنساۋلىق ساقتاۋ مينيسترلٸگٸنٸڭ ايتۋىنشا, ولاردىڭ كٶبٸ جٷرەك-تامىر اۋرۋىنان قايتىس بولعان.
