indet ýshyqqanda osy kúnge deiin «sary aimaqta» jalǵyz ózi bolǵan Túrkistan oblysy "qyzyl aimaqqa" ótti. Bul týraly 1 shilde kúni koronavirýspen kúres jónindegi vedomstvoaralyq komissiia habarlady.
Osylaisha eldiń epidemiialyq kartasynda 17 óńir túgeldei "qyzyl aimaqta" tur. Karta úsh "jasyl", "sary" jáne "qyzyl" deitin úsh aimaqtan turady. Sońǵysy óńirde aýrýdyń ýshyǵyp jatqanyn bildiredi.
24 shildeden beri "qyzyl aimaqqa" bir ǵana Túrkistan oblysy kirmei kelgen. Oblysta 17 shildeden beri kún saiyn júzden astam naýqas tirkelip keledi. 31 shilde kúni koronavirýs 124 adamnyń analizinen anyqtaldy.
19 millionǵa jýyq halqy bar Qazaqstanda 14 oblys jáne respýblikalyq mańyzy bar úsh qala (Nur-Sultan, Almaty jáne Shymkent) bar.
Resmi statistika boiynsha, elde indet bastalǵaly koronavirýsqa 641 547 adam shaldyqqan. Bilik málimetinde onyń 9691-i qaitys bolǵan dep kórsetilgen. Alaida bul sanǵa koronavirýs juqtyryp, "ózge aýrýdan" kóz jumdy degen eki myńnan astam adam kirmei qalǵan. Densaýlyq saqtaý ministrliginiń aitýynsha, olardyń kóbi júrek-tamyr aýrýynan qaitys bolǵan.
