قازاقستان مەن تٷركييا كەسٸپكەرلەرٸ 472,6 ملن دوللارعا مەموراندۋمدار مەن كەلٸسٸمدەر بەكٸتتٸ, دەپ حابارلايدى قازاقپارات تٸلشٸسٸ.
قازاقستان-تٷرٸك بيزنەس فورۋمىنىڭ قورىتىندىسى بويىنشا تاراپتار اگروٶنەركەسٸپتٸك كەشەن, دەنساۋلىق ساقتاۋ, ماشينا جاساۋ, مەتاللۋرگييا, جەڭٸل ٶنەركەسٸپ, لوگيستيكا جەنە تۋريزم سالاسىنداعى جوبالاردى ٸسكە اسىرۋ بويىنشا 10 قۇجاتقا قول قويدى.
ولاردىڭ اراسىندا الماتى قالاسىندا ەكٸنشٸ فارماتسەۆتيكا زاۋىتىن سالۋ تۋرالى كەلٸسٸم, نۇر-سۇلتان قالاسىندا مەديتسينالىق جەنە يندۋسترييالىق رەسپيراتورلار شىعاراتىن زاۋىت تۋرالى كەلٸسٸم, الماتى قالاسىنداعى اۆتوجولدارعا ارنالعان مەتالل بولات كونسترۋكتسييالارىن ٶندٸرۋ زاۋىتى كەلٸسٸمٸ جەنە نۇر-سۇلتان قالاسىندا ساۋدا, ويىن-ساۋىق ورتالىعىن سالۋ تۋرالى كەلٸسٸم بار.
«تٷركييا مەن قازاقستان – بەكەم بايلانىستارى بار باۋىرلاس ەكٸ حالىق, سونىمەن قاتار دٸني جەنە تٸلدٸك قۇندىلىقتارىمىز دا بار. ەكٸ ەل اراسىنداعى دوستىق بايلانىستار بارلىق جاعىنان دامىپ كەلەدٸ. بٷگٸنگٸ كەسٸپكەرلەرٸمٸز بەكٸتەتٸن كەلٸسٸمدەر ەكونوميكالىق ىنتىماقتاستىعىمىزدىڭ مەحانيزمدەرٸن ودان ەرٸ نىعايتاتىنىنا سەنەمٸز. قاڭتار وقيعالارى كەزٸندە دە وسى ىنتىماق-بٸرلٸگٸمٸزدٸڭ ٸرگەسٸ سٶگٸلمەيتٸنٸن كٶردٸك. ەردايىم بٸر-بٸرٸمٸزگە قولداۋ كٶرسەتٸپ, ورتاق جوبالار جالعاسا بەرەدٸ دەپ ويلايمىز», - دەدٸ تٷركييا رەسپۋبليكاسىنىڭ ۆيتسە-پرەزيدەنتٸ ف. وكتاي «Rixos President Astana» قوناق ٷيٸندە ٶتكەن قازاقستان-تٷركييا بيزنەس-فورۋمىندا.
ٶز سٶزٸندە فۋات وكتاي تٷركييا ەلەمدەگٸ ٷلكەن ەكونوميكالاردىڭ بٸرٸ ەكەنٸن اتاپ ٶتتٸ.
«پاندەمييا كەزٸندە تٷركييا مەملەكەتتٸك سالادا, جەكە سالادا دا ەكونوميكاسىن ەرٸ قاراي جالعاستىرا بەردٸ. بٸزدٸڭ ەكونوميكامىز 11 پايىزعا دامىپ, سوڭعى 10 جىلداعى ەڭ جوعارى كٶرسەتكٸشكە جەتتٸ. بٸزدٸڭ ەكسپورتتىق ٷلەسٸمٸز دە جاقسى دامىپ كەلەدٸ. تٷركييانىڭ ەكسپورتى سوڭعى 21 جىل ٸشٸندە العاشقى رەكوردتىق دەڭگەيگە جەتتٸ. بۇل الدىڭعى جىلعا قاراعاندا 56 ملرد دوللارعا ارتىپ, 225 ملرد دوللارعا جەتتٸ. سىرتقى ساۋدادا دا كٶرسەتكٸشتەر 2021 جىلى شامامەن 500 ملرد دوللارعا جەتتٸ. قازاقستاندا كٶرشٸلەس ەلدەرمەن سالىستىرعاندا مىقتى نارىق ورتالىعى بولۋعا ەلەۋەتٸ بار. وسى مٷمكٸندٸكتٸ جاقسى پايدالانۋ كەرەك», - دەدٸ تٷركييا رەسپۋبليكاسىنىڭ ۆيتسە-پرەزيدەنتٸ.
ونىڭ ايتۋىنشا, قازاقستاندا تٷرٸك فيرمالارى دايىن كيٸمنەن دەرٸ يندۋستريياسىنا دەيٸن تٷرلٸ جوبالاردى جٷزەگە اسىرىپ كەلەدٸ.
«تٷرٸك مەردٸگەرلەرٸ قازاقستاندا 27 ملرد دوللار دەڭگەيٸندە 508 جوبادا ٶز قولتاڭباسىن قالدىرعان. كاسپيي تەڭٸزٸندە 750 ملن دوللارلىق جوبا بار, 650 ملن دوللارلىق ەكسپو عيماراتىنىڭ جوباسى, ودان باسقا «اقتوعاي مىس» كەشەنٸ سەكٸلدٸ ٷلكەن جوبارلاردا مەردٸگەرلٸك جاسادى. وعان قوسا 11 اي سەكٸلدٸ قىسقا عانا ۋاقىتتا اياقتالعان تٷركٸستان حالىقارالىق ەۋەجايى بار. بۇلار دا تولىقتاي تٷرٸك ينۆەستيتسيياسى ارقىلى جٷزەگە استى. قاڭتار وقيعالارىنان كەيٸن دە قازاقستانداعى تٷرٸك فيرمالارىنىڭ ىنتىماقتاستىعى سەنٸمدٸ تٷردە جالعاسىپ جاتىر. وسى مەسەلەدە ينۆەستورلار مەن ينۆەستيتسييالاردى قورعاۋعا ق. توقاەۆ بەرگەن كەپٸلدەمەلەرٸ دە ٷلكەن ماڭىزعا يە. سوندىقتان قازاقستانعا تٷرٸك كەسٸپكەرلەرٸ اتىنان العىسىمدى بٸلدٸرگٸم كەلەدٸ», - دەدٸ ف. وكتاي.
