استانادا قازاقستان مەن تاتارستاننىڭ ٸسكەر توپتارىنىڭ 200-دەن استام ٶكٸلٸنٸڭ قاتىسۋىمەن بيزنەس-فورۋم ٶتتٸ. وعان 3-5 شٸلدە كٷندەرٸ قازاقستاندا جۇمىس ساپارىمەن بولعان تاتارستان پرەزيدەنتٸ رۋستام ميننيحانوۆ قاتىستى.
بيزنەس فورۋمدا سٶز سٶيلەگەن قر پرەمەر-مينيسترٸنٸڭ بٸرٸنشٸ ورىنباسارى اسقار مامين ەكٸ ەل اراسىنداعى تاۋار اينالىمىنىڭ ەلەۋەتٸن 1 ميلليارد اقش دوللارىنا جەتكٸزۋ مٷمكٸندٸگٸ بارىن اتاپ ٶتتٸ. بۇل تۋرالى ٷكٸمەت باسشىسىنىڭ باسپاسٶز قىزمەتٸنەن مەلٸم ەتتٸ.
«مەملەكەت باسشىسى تاتارستانعا بيىلعى ماۋسىم ايىنداعى ساپارى بارىسىندا وسىنداي تاپسىرما بەردٸ», - دەيدٸ ا. مامين.
2017 جىلى قازاقستان مەن تاتارستان اراسىنداعى ساۋدا اينالىمى 700 ملن اقش دوللارىنا جۋىقتادى. بۇل, 2016 جىلمەن سالىستىرعاندا 1,7 ەسە (425,3 ملن. اقش دوللارى) كٶپ.
فورۋم اياسىندا مۇناي-حيمييا, ماشينا جاساۋ, قورعانىس ٶنەركەسٸبٸ, كٶلٸك جەنە يننوۆاتسييا سالاسىنداعى ىنتىماقتاستىقتىڭ بولاشاعى تالقىلاندى. بيزنەس-فورۋم قورىتىندىسى بويىنشا تاراپتار بٸرلەسكەن جوبالاردى جٷزەگە اسىرۋدىڭ جول كارتاسىن جاساقتاۋعا كەلٸستٸ.
ونىڭ سىرتىندا, قر پرەزيدەنتٸ مەملەكەتتٸك باسقارۋ اكادەميياسى مەن قازان فەدەرالدىق ۋنيۆەرسيتەتٸ, قازاقستاننىڭ سىرتقى ساۋدا پالاتاسى مەن تاتارستان ساۋدا-ٶنەركەسٸپ پالاتاسى, «Astana Hub» ٸت-ستارتاپ حالىقارالىق تەحنوپاركٸ مەن «ٸت-پارك» جوعارى تەحنولوگييالار سالاسىنداعى تەحنوپاركٸ, «سەمەي اۆتوقۇراستىرۋ زاۋىتى» جشس مەن «راريتەك جٶندەۋ-مەحانيكالىق زاۋىتى» ااق اراسىندا ىنتىماقتاستىق تۋرالى قۇجاتتارعا قول قويىلدى.
تاتارستان پرەزيدەنتٸ استاناعا جۇمىس ساپارى بارىسىندا «استانا» حالىقارالىق قارجى ورتالىعى مەن يسلام قارجى ۇيىمى سامميتٸنە قاتىستى.
