مەسكەۋدە قازاقستان مەن رەسەيدٸڭ ٸشكٸ ٸستەر مينيسترلەرٸ – ەرلان تۇرعىمباەۆ پەن ۆلاديمير كولوكولتسەۆتٸڭ كەزدەسۋٸ ٶتتٸ, دەپ حابارلايدى "ۇلت اقپارات" مينيسترلٸكتٸڭ باسپاسٶز قىزمەتٸنە سٸلتەمە جاساپ.
پوليتسييا ۆەدومستۆولارىنىڭ باسشىلارى ەكٸجاقتى جەنە كٶپجاقتى حالىقارالىق شارتتار نەگٸزٸندە جٷزەگە اسىرىلاتىن ىنتىماقتاستىق باعىتتارىن تالقىلادى.
تاراپتار قىلمىستىق ٸستەر بويىنشا قۇقىقتىق كٶمەك كٶرسەتۋ جەنە قىلمىسكەرلەردٸ ٸزدەستٸرۋ سالاسىنداعى ىنتىماقتاستىقتىڭ تيٸستٸ دەڭگەيٸن اتاپ ٶتتٸ.
IT–تەحنولوگييالار سالاسىنداعى ٶزارا ٸس-قيمىلدى ارتتىرۋ, ينتەرنەت-قىلمىستارعا, ونىڭ ٸشٸندە پاندەمييا جاعدايىندا ەلەمدە كەڭٸنەن تارالعان الاياقتىقتارعا قارسى ٸس-قيمىل مەسەلەلەرٸ قارالدى.
كەزدەسۋگە قاتىسۋشىلار ەسٸرتكٸ بيزنەسٸنە قارسى ٸس-قيمىل, پسيحوبەلسەندٸ زاتتار مەن سينتەتيكالىق ەسٸرتكٸلەردٸڭ جاڭا تٷرلەرٸ تۋرالى جەدەل اقپارات الماسۋ سالاسىنداعى ٸستەردٸڭ جاي-كٷيٸن تالقىلادى.
كٶشٸ-قون باقىلاۋىن قامتاماسىز ەتۋدەگٸ ىنتىماقتاستىق مەسەلەلەرٸ قوزعالدى. كارانتيندٸك شەكتەۋلەر كەزەڭٸندە مەملەكەتتٸك شەكارالاردىڭ جابىلۋى جاعدايىندا ٶز ەلدەرٸنە ترانزيتپەن ورالعان شەتەلدٸك ازاماتتاردىڭ جول جٷرۋٸن ۇيىمداستىرۋ كەزٸندەگٸ ٶزارا ٸس-قيمىلعا جوعارى باعا بەرٸلدٸ.
تاراپتار اۆتوكٶلٸك ۇرلىعىنا قارسى قابىلدانىپ جاتقان شارالار تۋرالى پٸكٸر الماستى. اتاپ ايتقاندا, ۆەدومستۆولاردىڭ تيٸستٸ اقپاراتتىق جٷيەلەرٸن ينتەگراتسييالاۋ مەسەلەلەرٸ قارالدى.
سونداي-اق, قازاقستاننىڭ ٸشكٸ ٸستەر مينيسترٸ ە. تۇرعىمباەۆ رەسەيدٸڭ ٸشكٸ ٸستەر مينيسترٸ ۆ. كولوكولتسەۆتٸ قازاقستاندىق پوليتسييانى رەفورمالاۋ بارىسىمەن تانىستىردى.
كەزدەسۋ قورىتىندىسى بويىنشا ەكٸ ۆەدومستۆو باسشىلارى بولاشاقتاعى ىنتىماقتاستىقتى انىقتادى.
