فوتو: Akorda.kz
شاعىن قۇرامداعى كەزدەسۋدەن كەيٸن قاسىم-جومارت توقاەۆ پەن شاۆكات ميرزييوەۆ ەكٸ مەملەكەتتٸڭ رەسمي دەلەگاتسييالارىنىڭ قاتىسۋىمەن كەڭەيتٸلگەن قۇرامدا كەلٸسسٶز جٷرگٸزدٸ, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتتەر ساۋدا-ەكونوميكالىق ىنتىماقتاستىقتى نىعايتۋعا, سونىڭ ٸشٸندە ٶزارا تاۋار اينالىمىن ۇلعايتۋعا, ينۆەستيتسييا تارتۋعا, ٶنەركەسٸپ, فارماتسەۆتيكا, اۋىل شارۋاشىلىعى, قۇرىلىس, ترانزيت ەلەۋەتٸ جەنە كٶلٸك لوگيستيكاسى سالالارىنداعى كووپەراتسييانى دامىتۋعا باسا مەن بەردٸ. سونداي-اق بٸلٸم بەرۋ جەنە مەدەني-گۋمانيتارلىق سالالاردا ٶزارا ٸس-ەرەكەت مەسەلەسٸ دە تالقىلاندى.
مەملەكەت باسشىسى شاعىن قۇرامدا ٶتكەن كەلٸسسٶز نەتيجەسٸنە جوعارى باعا بەرٸپ, ەكٸجاقتى ىنتىماقتاستىقتى دوستىق, تاتۋ كٶرشٸلٸك قارىم-قاتىناس جەنە ٶزارا قولداۋ رۋحىندا كەشەندٸ تٷردە كەڭەيتۋگە نيەتتٸ ەكەنٸن جەتكٸزدٸ.
قاسىم-جومارت توقاەۆ ەلدەرٸمٸز بٷگٸندە مەملەكەتارالىق سەرٸكتەستٸككە ٷلگٸ بولاتىنداي بەرٸك ەرٸ ٷيلەسٸمدٸ قارىم-قاتىناس ورناتقانىن اتاپ ٶتتٸ.
– وداقتاستىق قارىم-قاتىناس تۋرالى شارتقا قول قويۋ بٸزدٸڭ مەملەكەتارالىق بايلانىستارىمىزدىڭ جوعارى دەڭگەيدە ەكەنٸن كٶرسەتەدٸ. ەگەر بٸز شارتتى تاريحي ماڭىزى بار قۇجات دەپ اتايتىن بولساق, بۇل اسىرا ايتقاندىق ەمەس دەپ ويلايمىن. بۇل اسا ماڭىزدى قۇجات بٸز ٷشٸن جاڭا مٷمكٸندٸكتەرگە جول اشادى جەنە ەكٸ ەلدٸڭ ٶزارا ىنتىماقتاستىقتى نىعايتۋعا دەگەن ورتاق ۇمتىلىسىن بٸلدٸرەدٸ. بۇدان بٶلەك, بٷگٸن قازاقستان مەن ٶزبەكستاننىڭ مەملەكەتتٸك شەكارالارىن دەماركاتسييالاۋ تۋرالى شارتقا قول قويىلادى. بۇل تاريحي كەلٸسٸم قازاقستاننىڭ وڭتٷستٸگٸندەگٸ مەملەكەتتٸك شەكاراسىن حالىقارالىق-قۇقىقتىق تۇرعىدا رەسٸمدەۋ ٸسٸن تولىعىمەن اياقتايدى, – دەدٸ پرەزيدەنت.
مەملەكەت باسشىسى وداقتاستىق قارىم-قاتىناستى نىعايتۋ جولىنداعى بٸرلەسكەن ٸس-ەرەكەتتەر بٷكٸل ورتالىق ازييانىڭ ورنىقتى دامۋى مەن تۇراقتىلىعىن قامتاماسىز ەتۋگە ەلەۋلٸ ٷلەس قوساتىنىن اتاپ ٶتتٸ.
سونىمەن قاتار كەلٸسسٶز بارىسىندا پرەزيدەنتتەر ەكٸجاقتى ىنتىماقتاستىقتىڭ ساياسي تۇعىرناماسىن بەكەمدەي تٷسەتٸن جوعارى مەملەكەتارالىق كەڭەس پەن پارلامەنتارالىق كەڭەس قۇرۋ جٶنٸندە ۋاعدالاستى.
قاسىم-جومارت توقاەۆ تاراپتار تٷرلٸ حالىقارالىق قۇرىلىمدار مەن مەحانيزمدەر اياسىندا تابىستى جۇمىس جٷرگٸزٸپ كەلە جاتقانىن ايتتى. ٶڭٸرلٸك جەنە حالىقارالىق كٷن تەرتٸبٸندەگٸ كٶپتەگەن مەسەلە بويىنشا قازاقستان مەن ٶزبەكستاننىڭ ۇستانىمدارى ورتاق, كٶزقاراستارى ۇقساس.
ٶز كەزەگٸندە شاۆكات ميرزييوەۆ شاعىن قۇرامداعى كەلٸسسٶزدٸڭ نەتيجەلٸ بولعانىن اتاپ ٶتٸپ, تاۋار اينالىمىنىڭ ۇلعايعانىنا جەنە بٸرلەسكەن جوبالاردىڭ سەتتٸ جٷزەگە اسىرىلىپ جاتقانىنا توقتالدى.
– سٸزدٸڭ مەملەكەتتٸك ساپارىڭىز بٸزدٸڭ عاسىرلار بويى قالىپتاسقان دوستىق, تاتۋ كٶرشٸلٸك جەنە ٶزارا قولداۋ سيپاتىنداعى بايلانىستارىمىزدىڭ قانشالىق بەرٸك ەكەنٸن تاعى ناقتىلاي تٷسەدٸ. بٸزدٸڭ حالىقتارىمىزدىڭ تاريحى مەن تاعدىرى بٸر-بٸرٸمەن بٸتە قايناسقان. ەلدەرٸمٸزدٸڭ تاريحي تامىرى ورتاق ەرٸ بٸز ٶزەكتٸ مەسەلەلەردٸ بٸرلەسە شەشەمٸز, – دەدٸ ٶزبەكستان پرەزيدەنتٸ.
سونداي-اق تاراپتار مەدەني-گۋمانيتارلىق بايلانىستاردىڭ دامۋىنا وڭ باعا بەردٸ. ەكٸ ەل حالقىنىڭ ورتاق رۋحاني-مەدەني قۇندىلىقتارىن بايىتا تٷسكەن قازاقستان مەن ٶزبەكستاننىڭ مەدەنيەت كٷندەرٸ تابىستى ٶتتٸ. سونداي-اق ەلدەرٸمٸزدٸڭ بٸلٸم بەرۋ سالاسىنداعى ىنتىماقتاستىق مەسەلەسٸ دە قاراستىرىلدى.
