بٷگٸن قر پارلامەنتٸ سەناتىنىڭ جالپى وتىرىسىندا قازاقستان مەن ٶزبەكستان ٷكٸمەتتەرٸ اراسىنداعى ەڭبەكشٸ ميگرانتتاردىڭ ەڭبەك قىزمەتٸ جەنە ولاردىڭ قۇقىقتارىن قورعاۋ تۋرالى كەلٸسٸمدٸ راتيفيكاتسييالاۋ تۋرالى زاڭ قابىلداندى, - دەپ حابارلايدى "ۇلت اقپارات".
سەناتتىڭ جالپى وتىرىسىندا «قازاقستان رەسپۋبليكاسىنىڭ ٷكٸمەتٸ مەن ٶزبەكستان رەسپۋبليكاسىنىڭ ٷكٸمەتٸ اراسىنداعى قازاقستان رەسپۋبليكاسىنىڭ ازاماتتارى بولىپ تابىلاتىن ەڭبەكشٸ كٶشٸپ-قونۋشىلاردىڭ ٶزبەكستان رەسپۋبليكاسىنداعى جەنە ٶزبەكستان رەسپۋبليكاسىنىڭ ازاماتتارى بولىپ تابىلاتىن ەڭبەكشٸ كٶشٸپ-قونۋشىلاردىڭ قازاقستان رەسپۋبليكاسىنداعى ەڭبەك قىزمەتٸ جەنە قۇقىقتارىن قورعاۋ تۋرالى كەلٸسٸمدٸ راتيفيكاتسييالاۋ تۋرالى» زاڭ جوباسى جايىندا قر ەڭبەك جەنە حالىقتى ەلەۋمەتتٸك قورعاۋ مينيسترٸ بٸرجان نۇرىمبەتوۆ باياندادى.
«كەلٸسٸمگە 2019 جىلى 15 سەۋٸردە تاشكەنت قالاسىندا مەملەكەت باسشىسى قاسىم-جومارت توقاەۆتىڭ مەملەكەتتٸك ساپارى بارىسىندا قول قويىلعان بولاتىن. كەلٸسٸمنٸڭ ماقساتتارى - تاراپتاردىڭ مەملەكەتتەرٸندەگٸ كٶشٸ-قون اعىندارىن رەتتەۋ جەنە زاڭسىز ەڭبەك قىزمەتٸن بولدىرماۋ جٶنٸندەگٸ شارالاردى جٷزەگە اسىرۋى. كەلٸسٸمدٸ راتيفيكاتسييالاۋ ەكٸ ەلدٸڭ اراسىنداعى ەڭبەك كٶشٸ-قونى پروتسەسٸن رەتتەۋ سالاسىنداعى ىنتىماقتاستىقتىڭ نىعايۋىنا ىقپال ەتەدٸ دەپ سانايمىز», - دەدٸ ول.
كەلٸسٸمگە سەيكەس, ەڭبەكشٸ ميگرانتتار قابىلداۋشى مەملەكەتتٸڭ زاڭدارى مەن ەڭبەك شارتىنىڭ تالاپتارىنا سەيكەس دەمالۋعا, اينالاسىنداعى ادامدار ٷشٸن قاۋٸپ تٶندٸرەتٸن اۋرۋلار كەزٸندە تەگٸن مەديتسينالىق كٶمەكتٸڭ كەپٸلدەندٸرٸلگەن كٶلەمٸن الۋعا قۇقىلى بولادى. سونىمەن قاتار تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸنٸڭ تٸزٸمٸنە كٸرمەگەن مەديتسينالىق قىزمەتتەر اقىلى نەگٸزدە نەمەسە ەرٸكتٸ مەديتسينالىق ساقتاندىرۋ اياسىندا كٶرسەتٸلەدٸ.
ەڭبەكشٸ ميگرانتتاردىڭ تٶلەمٸ مەن باسقا دا ەڭبەك جاعدايلارى قابىلداۋشى مەملەكەتتٸڭ زاڭناماسىنا سەيكەس جۇمىس بەرۋشٸمەن ەڭبەك شارتىندا رەتتەلەدٸ. بۇل رەتتە ەڭبەكاقى تٶمەن بولماۋعا, ال ەڭبەك جاعدايلارى قابىلداۋشى مەملەكەتتٸڭ ازاماتتارىنا قاراعاندا قولايلىلىعى جاعىنان تٶمەن بولماۋعا تيٸس.
زاڭ جوباسى تالقىلانعاننان كەيٸن سەناتورلار وعان بٸراۋىزدان قولداۋ بٸلدٸرٸپ, قۇجات قابىلداندى.
