فوتو: ortcom.kz
قازاقستاندا «جٸبەك جولى» اتتى جاڭا تەمٸرجول تۋرى ٸسكە قوسىلادى. «الماتى – تٷركٸستان – تاشكەنت – الماتى» باعىتى بويىنشا العاشقى رەيس 2024 جىلدىڭ 16 قاراشاسىندا جولعا شىعادى, دەپ حابارلايدى Ult.kz قر تۋريزم جەنە سپورت مينيسترلٸگٸنە سٸلتەمە جاساپ.
تٶرت كٷندە حالىقارالىق تەمٸرجول تۋرى تۋريستەرگە ەجەلگٸ قالالاردىڭ اتموسفەراسىنا ەنٸپ, ۇلى جٸبەك جولىنىڭ ٸزٸمەن ساياحاتتاۋعا مٷمكٸندٸك بەرەدٸ. مارشرۋت تٷركٸستان مەن تاشكەنتتٸڭ باستى كٶرٸكتٸ جەرلەرٸن قامتيدى. تۋريستەرگە ىڭعايلى بولۋ ٷشٸن تۋر باعدارلاماسىندا گيد قىزمەتٸ, تاماقتانۋ, كٶلٸك قىزمەتٸ جەنە كٸرۋ بيلەتتەرٸ قاراستىرىلعان.
«بٸرلەسكەن كٷش-جٸگەردٸڭ نەتيجەسٸندە ەكٸ ەلدٸ بايلانىستىراتىن ەرەكشە تەمٸرجول تۋرى ٸسكە قوسىلماق. اتالعان تۋر بٸزدٸڭ ازاماتتارىمىز بەن ەلدەرٸمٸزدٸڭ مەدەني بايلىعى مەن تاريحي مۇراسىنا قىزىعۋشىلىق تانىتاتىن شەتەلدٸك تۋريستەر ٷشٸن ىڭعايلى ەرٸ قولجەتٸمدٸ بولماق. بۇل قازاقستان مەن ٶزبەكستان اراسىنداعى مەدەني بايلانىستاردى نىعايتۋ مەن تۋريزمدٸ دامىتۋداعى ماڭىزدى قادام», – دەپ اتاپ ٶتتٸ قر تۋريزم جەنە سپورت ۆيتسە-مينيسترٸ ەرجان ەركٸنباەۆ.
سونداي-اق ساياحاتشىلار ورتالىق ازييا اۋماعىنداعى ەڭ كٶنە قالالاردىڭ بٸرٸ – وتىرار قالاسىمەن تانىسا الادى. تۋر باعدارلاماسىنا ارىستان-بابا كەسەنەسٸنە, «ەزٸرەت سۇلتان» تاريحي-مەدەني قورىق-مۋزەيٸنە, ورتالىق ازيياداعى ٶز كەزەگٸندە ەڭ ٷلكەن «كەرۋەن-ساراي» تۋريستٸك كەشەنٸنە بارۋ كٸرەدٸ. تاشكەنتتەگٸ تۋر اياسىندا قالانىڭ تاريحي نىساندارىمەن عانا ەمەس, سونىمەن قاتار زاماناۋي دامۋىمەن دە تانىسۋعا بولادى.
حالىقارالىق تۋردى «Tau Komek Travel», «تۇران قازاقستان ترەۆەل», «Grand Soluxe Travel Company», «SkyWay Travel», «Kompas», «KhanTuran Travel» كومپانييالارىمەن بٸرلەسٸپ «جولاۋشىلار تاسىمالى» اق ٸسكە اسىرادى. ال «Kazakh Tourism» ۇك» اق مارشرۋتتىڭ حالىقارالىق دەڭگەيدە ناسيحاتتالۋىنا قولداۋ كٶرسەتەدI.
