قازاقستان رەسپۋبليكاسىنىڭ پرەمەر-مينيسترٸ اسقار مامين قىتايدىڭ كوممۋنيستٸك پارتيياسى ورتالىق كوميتەتٸ ساياسي بيۋروسىنىڭ تۇراقتى كوميتەتٸنٸڭ مٷشەسٸ, قىتاي حالىق رەسپۋبليكاسىنىڭ مەملەكەتتٸك كەڭەسٸ پرەمەرٸنٸڭ ورىنباسارى حان چجەنمەن كەلٸسسٶزدەر جٷرگٸزدٸ.
كەزدەسۋدە ەكٸجاقتى ەكونوميكالىق قارىم-قاتىناستاردى دامىتۋدىڭ, شەكارا ماڭى ىنتىماقتاستىعىن, ونىڭ ٸشٸندە «قورعاس» حالىقارالىق شەكارا ماڭى ىنتىماقتاستىعى ورتالىعىن دامىتۋ ارقىلى دا تەرەڭدەتۋدٸڭ ٶزەكتٸ مەسەلەلەرٸ تالقىلاندى.
«نۇرلى جول» ەكونوميكالىق ساياساتى مەن «بەلدەۋ جەنە جول» ستراتەگيياسىن قوسارلاۋ اياسىنداعى يندۋسترييالىق-يننوۆاتسييالىق ىنتىماقتاستىققا ەرەكشە كٶڭٸل بٶلٸندٸ. بارلىعى جالپى سوماسى $27 ملرد-قا 55 قازاقستاندىق-قىتايلىق جوبا ٸسكە اسىرىلاتىن بولادى. 2015 جىلدان 2018 جىل ارالىعىندا $3,8 ملرد سوماسىنا 12 جوبا پايدالانۋعا بەرٸلدٸ, بيىل $310 ملن-عا 5 جوبانى ٸسكە قوسۋ جوسپارلانعان. ولاردىڭ ٸشٸندە كٷن ەلەكتر ستانتسييالارىنىڭ, گەس, زاماناۋي ەت كومبيناتى كەشەنٸنٸڭ قۇرىلىسى بار. $5,5 ملرد سوماسىنا 11 جوبا جٷزەگە اسىرىلۋ ٷستٸندە. $18,1 ملرد تەڭگە سوماسىنا قالعان جوبالار بويىنشا دايىندىق جۇمىستارى جٷرگٸزٸلٸپ جاتىر. جالپى, جوبالاردى ٸسكە اسىرۋ 20 مىڭعا جۋىق جاڭا جۇمىس ورنىن قۇرۋعا مٷمكٸندٸك بەرەدٸ.
ساۋدا-ەكونوميكالىق ىنتىماقتاستىقتى ودان ەرٸ ٸلگەرلەتۋ ٷشٸن تاراپتار بٷگٸن الماتى قالاسىندا ەكٸ ەلدٸڭ مەملەكەتتٸك ورگاندارى مەن بيزنەس قۇرىلىمدارىنىڭ 400-دەن استام ٶكٸلدەرٸنٸڭ, ونىڭ ٸشٸندە سىچۋان جەنە شەنسي قىتاي پروۆينتسييالارىنىڭ, گۋانسي-چجۋان, شىڭجاڭ-ۇيعىر اۆتونومدى اۋداندارىنىڭ باسشىلارىنىڭ قاتىسۋىمەن ٶتٸپ جاتقان ٸٸ قر – قحر ايماقارالىق ىنتىماقتاستىق فورۋمىنىڭ ماڭىزدىلىعىن اتاپ ٶتتٸ. سونىمەن قاتار, ا. مامين قىتاي دەلەگاتسيياسىنىڭ الداعى XII استانا ەكونوميكالىق فورۋمىنا قاتىسۋى ەكٸجاقتى ىنتىماقتاستىقتى دامىتۋعا زور قارقىن بەرەتٸنٸن ايتتى.
كەلٸسسٶزدەر بارىسىندا قر ٷكٸمەتٸنٸڭ باسشىسى كٶلٸك-لوگيستيكالىق كومپەتەنتسييالار مەن ترانزيتتٸك دەلٸزدەردٸ, ەنەرگەتيكانى, ٶنەركەسٸپتٸ, اگروٶنەركەسٸپ كەشەنٸن دامىتۋداعى ٶزارا ٸس-قيمىلدى كٷشەيتۋدٸڭ, ەسٸرەسە, قازاقستاندىق اۋىل شارۋاشىلىعى ٶنٸمدەرٸنٸڭ ەكسپورتىن ۇلعايتۋدىڭ قاجەتتٸگٸن اتاپ ٶتتٸ.
«قىتاي – قازاقستاننىڭ ٸرٸ سىرتقى ساۋدا سەرٸكتەسٸ, — دەدٸ ا. مامين. 2018 جىلى قر مەن قحر اراسىنداعى تاۋار اينالىمى 11,1%-عا ۇلعايىپ, $11,7 ملرد كٶرسەتكٸشٸنە جەتتٸ. بيىلعى ەكٸ ايدىڭ قورىتىندىسى بويىنشا ساۋدا-ساتتىق كٶلەمٸ $2 ملرد قۇرادى, بۇل 2018 جىلدىڭ سەيكەس كەزەڭٸندەگٸ كٶرسەتكٸشتەن 12,1%-عا جوعارى. — بٸز وسىنداي وڭ قارقىننىڭ ساقتالۋىنا مٷددەلٸمٸز».
