قازاقستان مەن قىتاي بٸرلەسٸپ تٷسٸرگەن «كومپوزيتور» فيلمٸ 8-شٸ ۆانكۋۆەر حالىقارالىق قىتاي كينوفەستيۆالٸندە «قىزىل ٷيەڭكٸ جاپىراعى» سىيلىعىنىڭ بٸردەن تٶرت جٷلدەسٸن جەڭٸپ الدى, دەپ حابارلايدى "ۇلت اقپارات" ش. ايمانوۆ اتىنداعى قازاقفيلمگە سٸلتەمە جاساپ.
رەجيسسەرلەر سەبيت قۇرمانبەكوۆ پەن شەريزات ياكۋبتىڭ «كومپوزيتور» تۋىندىسى «ٷزدٸك فيلم», «ٷزدٸك رەجيسسەر», «ٷزدٸك ەيەل رٶلٸ» جەنە «ٷزدٸك ەر ادام رٶلٸ» نوميناتسييالارىندا توپ جاردى.
تٷسٸرٸلٸم توبىنىڭ قۋانىشتى جاڭالىعىن فيلمدە باستى رٶلدەردٸڭ بٸرٸن سومداعان قازاقستاندىق اكتريسا ارۋجان جازىلبەكوۆا بٶلٸستٸ.
«دوستار! «كومپوزيتور» كينوكارتيناسىنىڭ بارلىق تٷسٸرٸلٸم توبىن جەڭٸسٸمەن قۇتتىقتايمىن! «قازاقفيلمگە», بٸزدٸڭ رەجيسسەرلەرٸمٸز سەبيت قۇرمانبەكوۆ پەن شەريزات ياكۋبقا جەنە بٸزدٸڭ كٸشكەنتاي دٸلنەز نۇرسەيٸتكە (بۇل ونىڭ دەبيۋتتٸك رٶلٸ), التىناي نٶگەربەككە, بەرٸك ايتجانوۆقا جەنە حۋ تسزيۋنگە العىس بٸلدٸرگٸم كەلەدٸ. بۇل – بٸزدٸڭ ورتاق جەڭٸسٸمٸز. مەن سٸزدەردٸ شىن جٷرەكتەن قۇتتىقتايمىن», - دەپ اقجارما تٸلەگٸن جەتكٸزدٸ ا. جازىلبەكوۆا.
«كومپوزيتور» فيلمٸ بەلگٸلٸ قىتاي كومپوزيتورى سيان سينحايدىڭ الماتىدا ەكٸنشٸ دٷنيەجٷزٸلٸك سوعىس كەزٸندەگٸ ٶمٸرٸ مەن ونىڭ بەلگٸلٸ قازاقستاندىق كومپوزيتور باقىتجان بايقاداموۆپەن دوستىعىن باياندايدى.
فيلمدەگٸ باستى رٶلدەردٸ حۋ تسزيۋن, بەرٸك ايتجانوۆ, يۋان تسيۋان, ارۋجان جازىلبەكوۆا جەنە التىناي نٶگەربەك سومداعان.
