فوتو: Gov.kz
2025 جىلعى 26 مامىردا مەدەنيەت جەنە اقپارات مينيسترٸ ايدا بالاەۆا قىتاي حالىق رەسپۋبليكاسىنىڭ قازاقستان رەسپۋبليكاسىنداعى تٶتەنشە جەنە ٶكٸلەتتٸ ەلشٸسٸ حان چۋنلينمەن كەزدەستٸ, دەپ حابارلايدى Ult.kz.
كەزدەسۋ بارىسىندا ايدا بالاەۆا قازاقستان مەدەني-گۋمانيتارلىق سالادا, ونىڭ ٸشٸندە ٶنەر, كينو جەنە تەاتر, مەديا-رەسۋرستاردى دامىتۋ باعىتىندا ىنتىماقتاستىقتى نىعايتۋعا مٷددەلٸ ەكەنٸن اتاپ ٶتتٸ. سونىمەن قاتار مينيستر اتالعان باعىتتار بويىنشا جەتكەن جەتٸستٸكتەر جايلى سٶز قوزعاپ, سونىڭ نەتيجەسٸندە قازاقستان مەن قىتاي اراسىنداعى ەرٸپتەستٸك پەن ٶزارا تٷسٸنٸستٸك جاڭا دەڭگەيگە كٶتەرٸلگەنٸن دە تٸلگە تيەك ەتتٸ.
مەسەلەن, 2024 جىلى قحر تٶراعاسى سي تسزينپيننٸڭ قازاقستانعا مەملەكەتتٸك ساپارى اياسىندا ەلدەر اراسىندا راديو مەن تەلەۆيزييا سالاسىنداعى ىنتىماقتاستىق تۋرالى مەموراندۋمعا قول قويىلدى.
سونداي-اق قىركٷيەك ايىندا تيانتسزين قالاسىنىڭ مۋزەيٸندە قازاقستان رەسپۋبليكاسىنىڭ ۇلتتىق مۋزەيٸ مەن قىتايدىڭ مەدەني جەدٸگەرلەر ورتالىعى بٸرلەسٸپ ۇيىمداستىرعان «التىن ادام جەنە ۇلى دالا» اتتى حالىقارالىق كٶرمەنٸڭ سالتاناتتى اشىلۋى ٶتتٸ.
كەسٸبي ٶنەر ۇيىمدارىن بٸرٸكتٸرۋ باستاماسى اياسىندا ەبٸلحان قاستەەۆ اتىنداعى قر مەملەكەتتٸك ٶنەر مۋزەيٸ جٸبەك جولى مۋزەيلەرٸ مەن گالەرەيالارى حالىقارالىق اليانسىنا مٷشە بولدى. 5 ماۋسىم كٷنٸ مۋزەيدە قىتاي ۇلتتىق كٶركەمٶنەر جاۋھارلارى ۇسىنىلاتىن «قىتاي ٶنەرٸنٸڭ وي-ماقساتتارى» كٶرمەسٸ ٶتەدٸ. كٶرمەگە كەسكٸندەمە, گرافيكا جەنە مٷسٸن جانرىنداعى 50-گە جۋىق تۋىندى كٶرەرمەن نازارىنا ۇسىنىلادى.
سونىمەن قاتار, 2025 جىلعى 30 مامىردا «استانا وپەرا» تەاترىندا قىتايدىڭ كٶرنەكتٸ كومپوزيتورى ەرٸ سكريپكاشىسى سيان سينحايدىڭ 120 جىلدىعىنا ارنالعان كونتسەرت ۇيىمداستىرىلادى.
ال ماۋسىم ايىنىڭ ورتاسىندا قر ۇلتتىق مۋزەيٸندە قىتاي جٸبەك ۇلتتىق مۋزەيٸنٸڭ قولداۋىمەن «جٸبەك جەنە جٸبەك جولى: قىتايدان قازاقستانعا» اتتى حالىقارالىق كٶرمە ٶتەدٸ. كٶرمەدە ماتالار كٶرسەتٸلٸپ, شاي دەستٷرلەرٸ كٶپشٸلٸك نازارىنا ۇسىنىلادى.
مينيستردٸڭ ايتۋىنشا, مەملەكەتارالىق ىنتىماقتاستىقتىڭ باسىم جوبالارىنىڭ بٸرٸ – مەدەني ورتالىقتار قۇرۋ. بۇل مەدەني بايلانىستاردى نىعايتىپ, تەجٸريبە الماسۋعا جەنە دوستىق قارىم-قاتىناستى دامىتۋعا جول اشادى.
قحر-دىڭ تٶتەنشە جەنە ٶكٸلەتتٸ ەلشٸسٸ حان چۋنلين مىرزا دا ىنتىماقتاستىقتى نىعايتۋ قاجەتتٸگٸن سٶز ەتتٸ. اتاپ ايتقاندا, قىتاي اقپاراتتىق ساياسات, اۋدارما ٸسٸ جەنە باسپا سالالارىن دامىتۋعا قىزىعۋشىلىق تانىتىپ وتىر. سونىمەن قاتار, چۋنلين مىرزا قازاقستاندىق ەرتٸستەردٸ قىتايدا ٶتەتٸن فەستيۆالدەرگە جيٸ قاتىسۋعا شاقىردى.
وتىرىس بارىسىندا قاتىسۋشىلار اقپارات سالاسىنداعى ٸس-شارالار جوسپارىن دا تالقىلادى. ناقتىراق ايتقاندا, باق ىنتىماقتاستىق فورۋمى, سي تسزينپين كٸتابىنىڭ تۇساۋكەسەرٸ, سونداي-اق «قىتاي – ورتالىق ازييا» اقپارات اگەنتتٸكتەرٸنٸڭ فورۋمى جايىندا سٶز بولدى.
كەزدەسۋ سوڭىندا ايدا بالاەۆا قازاقستان تاراپى ىنتىماقتاستىققا ەردايىم اشىق ەكەنٸن ايتىپ, دوستىقتى نىعايتۋ مەن قارىم-قاتىناستى دامىتۋعا باعىتتالعان ەكٸ ەل اراسىنداعى بٸرلەسكەن جوبالارعا قولداۋ جالعاساتىنىن تٸلگە تيەك ەتتٸ.
