پارلامەنت سەناتىنىڭ جالپى وتىرىسىندا «قازاقستان رەسپۋبليكاسى مەن قىرعىز رەسپۋبليكاسى اراسىنداعى قازاقستان-قىرعىز مەملەكەتتٸك شەكاراسىن شەگەندەۋ تۋرالى شارتتى راتيفيكاتسييالاۋ» تۋرالى زاڭ جوباسى قارالدى, دەپ حابارلايدى قازاقپارات.
ەكٸ ەل اراسىنداعى شەكارانى شەگەندەۋ تۋرالى شارتقا 2017 جىلعى 25 جەلتوقساندا استانادا قىرعىز رەسپۋبليكاسى مەملەكەتٸ باسشىسىنىڭ قازاقستانعا رەسمي ساپارى اياسىندا قازاقستان پرەزيدەنتٸ نۇرسۇلتان نازارباەۆ جəنە قىرعىز پرەزيدەنتٸ سوورونباي جەەنبەكوۆ قول قويدى.
شارتتىڭ باستى ماقساتى - قازاقستان مەن قىرعىزستان اراسىنداعى شەكارا سىزىعىن حالىقارالىق قۇقىقتىق دەڭگەيدە بەكٸتۋ. شەكارانى شەگەندەۋ نەتيجەسٸندە مەملەكەتتٸك شەكارا سىزىعىنىڭ ۇزىندىعى 1 257,07 شاقىرىمدى قۇرادى. شەكارا سىزىعىندا 1 055 شەكارالىق باعانا ورناتىلدى. ياعني, 533-ٸن قازاقستان تاراپى, 522-سٸن قىرعىزستان جاعى قويدى.
«شارت مەرزٸمسٸز بولىپ تابىلادى ەرٸ دەنونساتسييالاۋعا جاتپايدى. ال شارتتىڭ كٷشٸنە ەنۋٸ قازاقستاننىڭ مەملەكەتتٸك شەكاراسىنىڭ حالىقارالىق قۇقىقتىق رەسٸمدەۋ پروتسەسٸن اياقتايدى, قىرعىزستانمەن ارادا اۋماقتىق داۋدى بولدىرمايدى», - دەدٸ قر سىرتقى ٸستەر مينيسترٸ قايرات ەبدٸراحمانوۆ.
ونىڭ سٶزٸنە قاراعاندا, قازاقستاننىڭ سىرتقى ساياساتىنىڭ نەگٸزگٸ باعىتتارىنىڭ بٸرٸ - ەلٸمٸزدٸڭ ۇلتتىق قاۋٸپسٸزدٸگٸن قامتاماسىز ەتۋگە مٷمكٸندٸك بەرەتٸن مەملەكەتتٸك شەكارانى حالىقارالىق قۇقىقتىق رەسٸمدەۋ.
تالقىلاۋدان كەيٸن پالاتا دەپۋتاتتارى «قازاقستان رەسپۋبليكاسى مەن قىرعىز رەسپۋبليكاسى اراسىنداعى قازاقستان-قىرعىز مەملەكەتتٸك شەكاراسىن شەگەندەۋ تۋرالى شارتتى راتيفيكاتسييالاۋ» تۋرالى زاڭىن قابىلدادى.
