وسى ايدىڭ ٸشٸندە قازاقستان مەن قىرعىزستان بٸر-بٸرٸنە سۋ بەرۋ كەستەسٸن ساقتاماۋ سەبەپتەرٸن تالقىلايدى. بۇل تۋرالى قر ەكولوگييا, گەولوگييا جەنە تابيعي رەسۋرستار مينيسترٸ ماعزۇم مىرزاعاليەۆ ايتتى, دەپ حابارلايدى قازاقپارات.
«قىرعىزستانمەن ترانسشەكارالىق ٶزەندەر سالاسىنداعى ىنتىماقتاستىق شۋ جەنە تالاس ٶزەندەرٸ بويىنشا جٷزەگە اسىرىلادى. سۋ رەسۋرستارىن بٶلۋ 1983 جىلعى ەرەجەلەرمەن رەتتەلەدٸ. سونداي-اق 2000 جىلدان باستاپ شۋ جەنە تالاس ٶزەندەرٸندە مەملەكەتارالىق پايدالانۋداعى سۋ شارۋاشىلىعى قۇرىلىستارىن پايدالانۋ تۋرالى ٷكٸمەتارالىق كەلٸسٸم قولدانىلادى», - دەدٸ ول سەنات تٶراعاسىنىڭ ورىنباسارى اسقار شەكٸروۆتٸڭ تٶراعالىعىمەن ٶتٸپ جاتقان ٷكٸمەت ساعاتىندا.
ونىڭ ايتۋىنشا, قازاقستان وسى كەلٸسٸم بويىنشا ٶز مٸندەتتەمەلەرٸن تولىق كٶلەمدە ورىندايدى. سونىمەن قاتار قىرعىز تاراپى دا قازاقستانعا نەگٸزٸنەن شۋ ٶزەنٸنٸڭ باسسەينٸندە ورنالاسقان مەملەكەتارالىق ارنالار ارقىلى سۋ بەرۋ كەستەسٸن مەرزٸمدٸ تٷردە ساقتامايدى.
«بٸزدٸڭ ٶڭٸر قازٸر سۋى از تابيعي كەزەڭگە تاپ بولدى. ٶز كەزەگٸندە, سۋ بەرۋ كەستەسٸن ساقتاماۋدىڭ بارلىق سەبەپتەرٸ الداعى قاراشا ايىنىڭ سوڭىندا ٶتەتٸن كوميسسييا وتىرىسىندا تالقىلانادى. قازٸرگٸ ۋاقىتتا سۋ بەرۋ كەستەسٸنٸڭ بۇزىلۋىنا جول بەرمەۋ ماقساتىندا كەلەسٸ جىلدارعا ناقتى شارالار قابىلدانۋدا. قازاقستان تاراپى كيروۆ سۋ قويماسىنداعى (قىرعىزستان) جٶندەۋ جۇمىستارىن اياقتادى. بۇل سۋ قويماسىن جيناقتاۋ رەجيمٸنە ٶتكٸزۋگە مٷمكٸندٸك بەردٸ. ٶز كەزەگٸندە وسى جايت كەلەسٸ ۆەگەتاتسييالىق كەزەڭگە قاجەتتٸ سۋ كٶلەمٸن جيناۋ ٷشٸن ٷلكەن سەپتٸگٸن تيگٸزەدٸ», - دەدٸ ماعزۇم مىرزاعاليەۆ.
