اقوردا رەزيدەنتسيياسىندا رەسمي قارسى الۋ رەسٸمٸنەن كەيٸن مەملەكەتتەر باسشىلارىنىڭ شاعىن قۇرامداعى كەلٸسسٶزدەرٸ ٶتتٸ, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆ پرەزيدەنت مۋن چجە يننٸڭ العاشقى مەملەكەتتٸك ساپارى قازاقستان-وڭتٷستٸك كورەيا اراسىنداعى ساياسي ديالوگ پەن ەكونوميكالىق ٸس-قيمىلداردىڭ دامۋىنا سەرپٸن بەرەتٸنٸن اتاپ ٶتتٸ. قازاقستان پرەزيدەنتٸ كٷن تەرتٸبٸندەگٸ بارلىق مەسەلەلەرگە قاتىستى تابىستى كەلٸسسٶزدەر ٶتٸپ, ەكٸجاقتى تيٸمدٸ شەشٸمدەر قابىلداناتىنىنا سەنٸم بٸلدٸردٸ.
– پرەزيدەنت مىرزا, نۇر-سۇلتان قالاسىنا قوش كەلدٸڭٸز! بٸز كەشە ەكٸ جاقتى ىنتىماقتاستىقتىڭ ماڭىزدى مەسەلەلەرٸن تالقىلادىق. بۇل سٸزدٸڭ قازاقستان رەسپۋبليكاسىنا العاشقى مەملەكەتتٸك ساپارىڭىز. كەشە سٸز ۇلتتىق باتىرلارىڭىزدىڭ مەيٸتتەرٸن وتانعا قايتارعان ماڭىزدى رەسٸمگە قاتىستىڭىز. وسى وقيعاعا وراي قۇتتىقتاۋىمدى قابىل الىڭىز, – دەدٸ مەملەكەت باسشىسى.
پرەزيدەنت مۋن چجە ين قازاقستانعا مەملەكەتتٸك ساپارمەن شاقىرىپ, جىلى قابىلداعانى ٷشٸن ريزاشىلىعىن بٸلدٸردٸ. ونىڭ ايتۋىنشا, بۇل ساپار بيىل اتاپ ٶتٸلەتٸن قازاقستان رەسپۋبليكاسى مەن كورەيا رەسپۋبليكاسى اراسىنداعى ستراتەگييالىق ەرٸپتەستٸكتٸڭ 10 جىلدىعى قارساڭىندا ەرەكشە ماڭىزعا يە.
– قازاقستان – ەۋرازييا قۇرلىعىندا بەيبٸتشٸلٸك ورناتۋعا جەنە ەكونوميكالىق ىنتىماقتاستىقتى كەڭەيتۋگە باعىتتالعان كورەيا رەسپۋبليكاسىنىڭ «جاڭا سولتٷستٸك ساياساتىن» جٷرگٸزۋدەگٸ نەگٸزگٸ ەرٸپتەسٸ. مەنٸڭ بۇل ساپارىم ەكٸجاقتى قارىم-قاتىناستاردى عانا ەمەس, سونىمەن قاتار, كورەيا رەسپۋبليكاسى مەن ورتالىق ازييا ەلدەرٸ اراسىنداعى كٶپجاقتى ٶزارا ٸس-قيمىلداردى نىعايتۋعا سەرپٸن بەرەدٸ دەپ ٷمٸتتەنەمٸن, – دەدٸ وڭتٷستٸك كورەيا پرەزيدەنتٸ.
كەزدەسۋدە تاراپتار ساياسات, ساۋدا-ەكونوميكالىق, مەدەني-گۋمانيتارلىق سالالارىنداعى ەكٸجاقتى ىنتىماقتاستىقتى, سونداي-اق, ەكٸ ەلدٸڭ حالىقارالىق ۇيىمدار اياسىنداعى ٶزارا ٸس-قيمىلدارىن تالقىلادى.
