قازاقستان مەكتەپتەرٸندە پەداگوگ-اسسيستەنت قىزمەتٸ ەنگٸزٸلدٸ. مۇنداي ماماندار ەرەكشە بٸلٸم بەرۋ قاجەتتٸلٸكتەرٸ بار وقۋشىلاردى وقىتۋدا, ياعني ينكليۋزيۆتٸ بٸلٸم بەرۋدە سۇرانىسقا يە. ولار بالالاردىڭ مەكتەپكە تەز ٷيرەنٸپ كەتۋٸنە كٶمەكتەسەدٸ.
بۇل تۋرالى بٸلٸم جەنە عىلىم منيسترلٸگٸنٸڭ باسپاcٶز قىزمەتٸ حابارلادى.
بٸلٸم جەنە عىلىم مينيسترٸ اسحات ايماعامبەتوۆتٸڭ تاپسىرماسى بويىنشا ەلٸمٸزدٸڭ بارلىق ٶڭٸرٸندە 700-گە جۋىق پەداگوگ-اسسيستەنت جۇمىسقا كٸرٸستٸ.
ايتا كەتەيٸك, قر بعم-مەن ەرەكشە بٸلٸم بەرۋ قاجەتتٸلٸكتەرٸ بار بالالاردى وقىتۋ ٷشٸن قولايلى جاعداي جاساۋ بارىسىندا جۇمىس اتقارىلىپ جاتىر.
«بۇل مۇعالٸمدٸ الماستىرۋ دەگەن سٶز ەمەس. پەداگوگ-اسسيستەنتتەردٸڭ الدىندا پەداگوگيكا مەن پسيحولوگييا توعىسىندا ەرەكشە ماقسات-مٸندەتتەر قويىلعان. اتاپ ايتساق, بالالاردى باعىتتاۋ, ولاردىڭ وقۋ پروتسەسٸنە بەيٸمدەلۋلەرٸنە كٶمەكتەسۋ. ەڭگٸمە ەرەكشە قاجەتتٸلٸكتەرٸ بار بالالار تۋرالى بولعاندىقتان, پەداگوگ-اسسيستەنت تەحنيكالىق قولداۋ دا كٶرسەتە الادى. مەسەلەن, ەگەر بالا ٶز بەتٸنشە قوزعالا الماسا. نەمەسە ەگەر بالاعا دەفەكتولوگتىڭ كٶمەگٸ قاجەت بولسا, پەداگوگيكالىق قولداۋ قاجەت. بٸز بۇل جۇمىستا بەلسەندٸلٸك تانىتىپ جٷرگەن ٷكٸمەتتٸك ەمەس ۇيىمدارعا ريزاشىلىعىمىزدى بٸلدٸرەمٸز», - دەدٸ قر بعم مەكتەپكە دەيٸنگٸ جەنە ورتا بٸلٸم كوميتەتٸنٸڭ تٶرايىمى گٷلميرا كەرٸموۆا.
بۇدان باسقا, پەداگوگ-اسسيستەنت ەرەكشە بٸلٸم بەرۋ قاجەتتٸلٸگٸ بار بالالارعا ارنالعان جەكە بٸلٸم بەرۋ باعدارلامالارىن ەزٸرلەۋگە قاتىسادى. قاجەت بولعان جاعدايدا وقۋ باعدارلامالارى بٸلٸم الۋشىلاردىڭ قاجەتتٸلٸكتەرٸنە بەيٸمدەلەدٸ. ولار ٶتكەن ماتەريالدى يگەرۋگە عانا ەمەس, سونىمەن قاتار ەرەكشە قاجەتتٸلٸكتەرٸ بار بالانىڭ داعدىلارىن دامىتۋ ديناميكاسىن باقىلاۋعا كٶمەكتەسەدٸ. سونىمەن قاتار ەرەكشە بٸلٸم بەرۋ قاجەتتٸلٸكتەرٸ بار بالالاردىڭ قاۋٸپسٸزدٸگٸ مەن دەنساۋلىعىن ساقتاۋ ٷشٸن قاجەتتٸ جاعدايلاردىڭ ساقتالۋىن قاداعالايدى.
«مينيسترلٸك پەداگوگ-اسسيستەنتتەردٸ باسقا دا بٸلٸم بەرۋ ۇيىمدارىنا قوسۋ, سونداي-اق ولاردىڭ جۇمىس جٷكتەمەسٸن انىقتاۋ بويىنشا جۇمىس جٷرگٸزٸپ جاتىر»,-دەلٸنگەن قر بعم باسپاسٶز قىزمەتٸنٸڭ حابارلاماسىندا.
