بٷگٸن قازاقستاندىق ەسكەري قىزمەتشٸلەر توبى ليۆانعا بٸتٸمگەرشٸلٸك ميسسييالارىن اتقارۋعا اتتاندى. بۇل تۋرالى قورعانىس مينيسترلٸگٸ حابارلادى.
بۇل «ليۆانداعى بۇۇ-نىڭ ۋاقىتشا كٷشتەرٸ» ميسسيياسىنىڭ قۇرامىندا قىزمەت اتقارۋعا بارا جاتقان تٶرتٸنشٸ بٸتٸمگەرلەر توبى. ٶڭٸرلٸك قولباسشىلىقتار مەن دەسانتتىق-شابۋىلداۋ ەسكەرلەرٸنٸڭ ەسكەري قىزمەتشٸلەرٸ 2019 جىلعى قاراشادان بەرٸ ليۆاندا بولعان قازاقستاندىقتاردى اۋىستىرادى.
«قازاقستان قارۋلى كٷشتەرٸنٸڭ بٸتٸمگەرشٸلٸك قىزمەتٸ – بۇل حالىقارالىق ەسكەري ىنتىماقتاستىقتىڭ دامۋىمەن قاتار ەسكەري قىزمەتشٸلەر ٷشٸن باعا جەتپەس تەجٸريبە. ميسسيياعا قاتىسۋ حالىقارالىق قاۋٸپسٸزدٸكتٸ نىعايتۋعا ىقپالىن تيگٸزەدٸ جەنە حالىقارالىق قوعامداستىقتاعى جاۋاپتى مٷشەسٸ رەتٸندە قازاقستان تۋرالى وڭ يميدجدٸ قالىپتاستىرادى. سٸزدەردٸڭ ەلٸمٸزدەن جىراقتا جٷرسەڭٸزدەر دە ٶز مٸندەتتەرٸڭٸزدٸ ابىرويمەن ورىندايتىندارىڭىزعا سەنەمٸن», – دەپ دەسانتتىق-شابۋىلداۋ ەسكەرلەرٸنٸڭ قولباسشىسى گەنەرال-مايور قانىش ەبۋبەكٸروۆ بٸتٸمگەرلەرگە تٸلەگٸن ايتتى.
بۇرىنعىداي, قازاقستاندىق ەسكەري قىزمەتشٸلەر جارتى جىل بويى ليۆان رەسپۋبليكاسىنداعى ٷندٸ بٸتٸمگەرشٸلٸك باتالونى قۇرامىندا بولادى. بٸتٸمگەرلەر جەرگٸلٸكتٸ اۋماقتى پاترۋلدەۋ, ازاماتتىق تۇرعىندارعا كٶمەك كٶرسەتۋ, باقىلاۋ بەكەتتەرٸن ۇيىمداستىرۋ جەنە ميسسييا شتابىنىڭ باسقا دا شارالارىنا قاتىساتىن بولادى. كٷن سايىن قازاقستاندىق جەنە ٷندٸ بٸتٸمگەرلەر 50-دەن كەم ەمەس تاپسىرما ورىندايدى.
ليۆانعا اتتاناتىن روتا قۇرامى دەستٷر بويىنشا 120 ادام قۇرالعان. ەپيدەميولوگييالىق جاعدايدى ەسكەرە وتىرىپ, جەكە قۇرامنىڭ دەنساۋلىعىن ساقتاۋ ماقساتىندا ەسكەري قىزمەتشٸلەردٸ جٶنەلتۋ ەكٸ كەزەڭدە - تامىز ايىنىڭ باسىندا جەنە ورتاسىندا جٷزەگە اسىرىلادى.
بٸتٸمگەرلەرگە قيىن كليماتتىق جاعدايدا قىزمەت ەتۋلەرٸنە تۋرا كەلەدٸ, سوندىقتان ٷمٸتكەرلەر قاتاڭ ٸرٸكتەۋدەن, مەديتسينالىق كوميسسييادان, مورالدىق-پسيحولوگييالىق تۇراقتىلىقتارىن تەكسەرۋگە ارنالعان سىناقتاردان ٶتتٸ. بٸتٸمگەرشٸلٸك ميسسيياسىنىڭ وفيتسەرلەرٸ مەن سەرجانتتارى اعىلشىن تٸلٸن جاقسى بٸلەدٸ, سونىمەن قاتار بٸرٸككەن ۇلتتار ۇيىمىنىڭ بٸتٸمگەرشٸلٸككە قاتىستى نەگٸزگٸ قۇجاتتارىنىڭ ەرەجەلەرٸمەن تانىس.
ەسكە سالا كەتسەك, قازاقستاننىڭ ليۆانداعى بٸتٸمگەرشٸلٸك ميسسيياسى 2018 جىلدىڭ قازان ايىندا بۇۇ-نىڭ مانداتىنا سەيكەس ليۆاندا قازاقستاندىق جەنە ٷندٸ بٸتٸمگەرلەرٸن بٸرلەسٸپ ٶرٸستەتۋ تۋرالى مەموراندۋمعا قول قويىلعاننان كەيٸن باستالدى.
