بٷگٸن قازاقستاندىق گازدى «بەينەۋ-بوزوي-شىمكەنت» ماگيسترالدى گاز قۇبىرىنان «ورتالىق ازييا - قىتاي» ترانسۇلتتىق گاز قۇبىرىنا جٸبەرۋ سالتاناتتى رەسٸمٸ استاناداعى گاز وپەراتورىنىڭ بٸرىڭعاي ديسپەتچەرلٸك ورتالىعىندا ٶتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
رەسٸمگە قر ەنەرگەتيكا مينيسترٸ قانات بوزىمباەۆ, «قازمۇنايگاز» ۇك اق-نىڭ باسقارما تٶراعاسى ساۋات مىڭباەۆ, «قازمۇنايگاز» ۇك» اق ۆيتسە-پرەزيدەنتٸ قايرات شەرٸپباەۆ, «قازترانسگاز» اق باس ديرەكتورى رۋستام سۋلەيمانوۆ قاتىستى. شىمكەنت قالاسى ماڭىندا ورنالاسقان «اقبۇلاق» گاز ٶلشەۋ ستانساسىمەن ونلاين بايلانىس ارقىلى ٶتكەن رەسٸم كەزٸندە قازاقستاندىق گازدى ەكسپورتقا جٸبەرۋ جٷزەگە اسىرىلدى.
«قازمۇنايگاز» ۇك اق گاز تاسىمالداۋ جەنە ماركەتينگٸ جٶنٸندەگٸ ۆيتسە-پرەزيدەنتٸ قايرات شەرٸپباەۆتٸڭ اتاپ ٶتۋٸنشە, بۇل تەك گاز سالاسىنىڭ دامۋىنا عانا ەمەس, جالپى ەلٸمٸزدٸڭ ەكونوميكاسىن دامىتۋعا دا جاڭا سەرپٸن بەرەتٸن ٷلكەن وقيعا.
«قازاقستاندىق گازدىڭ قىتاي نارىعىنا شىعارىلۋى ەۋرازييالىق ٶڭٸر ەلدەرٸنٸڭ اراسىنداعى ساۋدا جەنە كٶلٸك بايلانىستارىن رەتتەۋگە, ورتاق ينفراقۇرىلىم قۇرۋعا باعىتتالعان ٶزارا تيٸمدٸ قارىم-قاتىناستار ورناتۋعا ىقپال ەتەتٸن بولادى», - دەدٸ ول.
بۇعان دەيٸن حابارلانعانداي, قازاقستان رەسپۋبليكاسى مەن قىتاي حالىق رەسپۋبليكاسىنىڭ اراسىندا 5 ملرد تەكشە مەتر قازاقستاندىق گازدى ەكسپورتتاۋ تۋرالى تاريحي كەلٸسٸمشارتقا قول قويىلدى. «قازترانسگاز» اق مەن «PetroChina International Company Limited» كومپانيياسى اراسىندا ساتىپ الۋ-ساتۋ شارتىنا قول قويىلدى. گازدىڭ رەسۋرستىق بازاسى رەتٸندە قازاقستاننىڭ باتىسىنداعى گاز كەن ورىندارى جەنە «قازترانسگاز» اق باسقارۋىنداعى جەراستى گاز قويمالارىندا جيناقتالعان گاز قورى ايقىندالىپ وتىر. قىتاي تاراپىنىڭ گازدى قابىلداۋ پۋنكتٸ رەتٸندە «قورعاس» شەكارا بەكەتٸ بەلگٸلەندٸ.
قازاقستان اۋماعىنداعى تابيعي گازدى ەكسپورتتاۋ مارشرۋتى 3 مىڭ شاقىرىمدى قۇرايدى, تاسىمالداۋ پروتسەسسٸنە 10-نان استام كومپرەسسورلىق ستانسا جۇمىلدىرىلعان. قازاقستاندىق گازدى قىتايعا ەكسپورتتاۋعا «بەينەۋ-بوزوي-شىمكەنت» مگق جەنە «ورتالىق ازييا - قىتاي» ترانسۇلتتىق گاز قۇبىرىنىڭ رەسۋرستارى پايدالانىلاتىن بولادى.
