قازاقستان قىتاي ٷكٸمەتٸنە 116 ملرد تەڭگەنٸ 20 جىلدا 154 ملرد تەڭگە قىلىپ قايتارادى. بۇل تۋرالى baq.kz حابارلادى.
بٷگٸن سەناتتاعى قارجى جەنە بيۋدجەت كوميتەتٸنٸڭ كەڭەيتٸلگەن وتىرىسىندا «قازاقستان رەسپۋبليكاسىنىڭ ٷكٸمەتٸ مەن قىتاي حالىق رەسپۋبليكاسىنىڭ ٷكٸمەتٸ اراسىنداعى قىتايدان جەڭٸلدەتٸلگەن نەسيە الۋ جٶنٸندەگٸ نەگٸزدەمەلٸك كەلٸسٸمدٸ راتيفيكاتسييالاۋ» تۋرالى زاڭ جوباسى قارالدى.
كوميتەت وتىرىسىندا قارجى ۆيتسە-مينيسترٸ رۋسلان بەكەتاەۆ قىتاي ٷكٸمەتٸنٸڭ 2 ملرد 60 ملن يۋان (116 ملرد تەڭگە نەمەسە 300 ملن دوللار) 20 جىلعا 2% مٶلشەرلەمەمەن جەڭٸلدەتٸلگەن نەسيە الۋ تۋرالى مينيسترلٸك ۇسىنىسىن باياندادى.
سەنات دەپۋتاتى ەلي بەكتاەۆ قىتاي تاراپى بەرٸپ وتىرعان نەسيەنٸ نەلٸكتەن اۋىل شارۋاشىلىعىنا, شاعىن جەنە ورتا كەسٸپكەرلٸككە جۇمسالمايتىنىن سۇرادى. ول نەگە بٸز وسى نەسيەنٸ شەكارا ماڭىنداعى بەكەتتەرگە جۇمسايتىنىن بٸلگٸسٸ كەلدٸ.
«قىتاي ٷكٸمەتٸ ٶزٸ مٷددەلٸ تاراپ بولعاندىقتان, كەدەن بەكەتتەرٸن رەكونسترۋكتسييالاۋدى قولداۋ وتىر. سەبەبٸ ولار بٸزدٸڭ كەدەن ارقىلى ەۋروپاعا تەز ەكسپورتتاۋدى كٶزدەپ وتىر. سوندىقتان دا ولاردىڭ شارتى بويىنشا وسى باعىتقا عانا نەسيە بەرمەك. بٸز اۋىل شارۋاشىلىعىنا مۇنداي نەسيەنٸ الىپ, تەۋەكەلگە بارا المايمىز», - دەدٸ ۇەم ٶكٸلدەرٸ.
ەلي بەكتاەۆ الىناتىن قارىزدىڭ ەل ەكونوميكاسىنا پايداسىن سۇرادى.
«قارىز الىپ, وسىنشا سالعاننان كەيٸن, وسى جۇمىستار اتقارىلعاننان كەيٸن ەكونوميكاعا قانداي پايدا كەلەدٸ? قانداي قوسىمشا تٷسٸمدەر بولادى? بٸزدٸڭ بيۋدجەتكە سالىق جاعىنان, كەدەندٸك تٷسٸمدەر جاعىنان», - دەدٸ دەپۋتات.
بۇل سۇراققا مينيسترمەن بٸرگە زاڭ جوباسىن ۇسىنۋعا كەلگەن ۆەدومستۆو ٶكٸلٸ جاۋاپ بەردٸ.
«جاڭا اتاپ ٶتكەندەي, بٷگٸن ٶزبەكستان تاراپىناداعى كەدەن بەكەتتەرٸندە ٷلكەن كەپتەلٸس بولىپ جاتىر. ول جاڭاعى ٶزبەكستاننىڭ سىرتقى ساۋداسىنا دامۋىنا بايلانىستى بولىپ جاتىر. ال بٸزدٸڭ قازاقستانداعى ەكونوميكالىق ەسەرٸ ول اقىلى جولدار ارقىلى كٶلٸكتەردٸڭ جٷرۋٸنەن الىناتىن الىمدار كٶبەيەدٸ, ەكٸنشٸدەن, تەك قىتاي تاراپىنان بٸز 200 ملرد-قا جۋىق قوسىمشا سالىقتار مەن كەدەندٸك تٶلەمدەر تٷسەدٸ دەپ بولجاپ وتىرمىز. بۇلار – قوسىمشا تٷسٸمدەر. ينفراقۇرىلىمنىڭ دامۋىنا, باتىس ەۋروپا-باتىس قىتاي تاس جولىنىڭ مٷمكٸندٸكتەرٸ كەڭەيٸپ, جولداعى سەرۆيستٸك قىزمەتتەر دامىپ, سالىقتار تٷسەدٸ دەپ بولجام جاساپ وتىرمىز», - دەدٸ ول.
بەكتاەۆ «سونىڭ ناقتى ەسەبٸ بار ما?» دەپ تاعى دا قارسى سۇراق قويدى.
«كەدەندٸك تٶلەمدەر مەن سالىقتار جٶنٸندەگٸ 300 ملرد سومانى عانا ايتا الامىن. ورتا ەسەپەن ەر جٷك كٶلٸك قۇرالى قازقاستاننان ٶتكەن كەزدە, 100 كيلومەترگە 7-8 مىڭ تەڭگەدەي تٶلەم قالدىرادى دەپ بولجاپ وتىرمىز. ول جاڭاعى جانار-جاعارماي, جولداعى سەرۆيستٸك قىزمەتتەر», - دەدٸ مينسيترلٸك ٶكٸلٸ.
دەپۋتات «بۇل قازٸرشە جالپىلاما سٶز عوي, مەنٸڭ ايتقانىمدى تٷسٸندٸڭٸز عوي. زايم الۋ ٷشٸن سٸزدەردە ەسەپ بولۋى كەرەك, مىنا قارىزدى الامىز, جۇمسايمىز, وسىنشا پايدا بولادى دەپ. وسىنى مىناداي جولدارمەن قايتارامىز. بۇل جاي عانا بٸرەۋدٸڭ اسپاننان تٷسكەن قارىزى ەمەس قوي, مەملەكەتتٸك قارىز. سوندىقتان سٸزدەردە ناقتى ەسەپ بولۋ كەرەك. سٸزدەر قارجى مينيسترلٸگٸسٸزدەر. ەسەپتەرٸڭٸز بار ما?», - دەپ ناقتىلاعىسى كەلدٸ.
«جاڭاعى 300 ملرد-تان باسقا بٸزدە ناقتى ەسەپتەر جاسالعان جوق, قوسىمشا سالىقتار مەن تٶلەمدەر», - دەپ قوستى قارجى مينيسترلٸگٸنٸڭ ٶكٸلٸ.
