قازاقستان ٷكٸمەتٸ قىتايدان ەكٸ ەل شەكاراسىنداعى قازاقستاندىق ٶتكٸزۋ پۋنكتٸن جەتٸلدٸرۋ ٷشٸن 2 ميلليارد يۋان, ياعني, 100 ميلليارد تەڭگەگە جۋىق قارىز الۋدى جوسپارلاپ وتىر. بۇل تۋرالى Tengrinews.kz حابارلادى.
قوس ەل اراسىنداعى كەلٸسٸمدٸ راتيفيكاتسييالاۋ تۋرالى زاڭ جوباسى مەجٸلٸستە قارالدى. وعان 2018 جىلدىڭ ماۋسىمىندا قازاقستان پرەزيدەنتٸ نۇرسۇلتان نازارباەۆتىڭ بەيجٸڭگە ساپارى بارىسىندا ەكٸ ەل باسشىلارى قول قويعان بولاتىن. وسى كەلٸسٸم بويىنشا قىتايدىڭ ەكسپورت-يمپورت بانكٸ قازاقستان ٷكٸمەتٸنە قىتاي جەنە ٶزبەكستانمەن شەكاراداعى قازاقستاندىق ٶتكٸزۋ پۋنكتتەرٸن جەتٸلدٸرۋ جەنە تەحنيكامەن جابدىقتاۋ ٷشٸن 2,062 ميلليارد قىتايلىق يۋاندٸ جەڭٸلدەتٸلگەن نەسيە تٷرٸندە بەرەدٸ.
پرەمەر-مينيستردٸڭ بٸرٸنشٸ ورىنباسارى - قارجى مينيسترٸ ەليحان سمايىلوۆتىڭ ايتۋىنشا, قىتاي 20 جىلعا 2 پايىزبەن 100 ميللياردقا جۋىق تەڭگە قارىز بەرەدٸ.
"ەۋرازييالىق ەكونوميكالىق وداقتاعى ٸشكٸ شەكارالاردىڭ قازاقستاندىق ۋچاسكەلەرٸندەگٸ ٶتكٸزۋ پۋنكتتەرٸنٸڭ كەدەندٸك ينفراقۇرىلىمىن دامىتۋ قاجەت. قازٸرگٸ ينفراقۇرىلىم ٶسٸپ كەلە جاتقان ادامدار لەگٸن بٸرقالىپتى ەرٸ جىلدام ٶتكٸزۋگە مٷمكٸندٸك بەرمەيدٸ. مىسالى, قازاقستان مەن ٶزبەكستان شەكاراسىنداعى جاعدايدى ايتۋعا بولادى. قازاقستان جاعىنداعى ٶتكٸزۋ پۋنكتٸ الدىندا كٷن سايىن 70-300 اۆتوكٶلٸك جينالادى, ولار ٷش كٷنگە دەيٸن كەزەكتە تۇرادى", - دەيدٸ سمايىلوۆ مەجٸلٸستە.
قازاقستانداعى ٶتكٸزۋ پۋنكتتەرٸندە قوزعالىستار لەگٸن فيزيكالىق تٷردە بٶلٸپ تاستاۋ جوسپارلانىپ جاتىر, اۆتوكٶلٸكتەردٸڭ توقتاماي قوزعالۋى ٷشٸن تەحنيكالىق باقىلاۋدىڭ بٸرىڭعاي اۆتوماتتانىرىلعان دەلٸزدەرٸ قوندىرىلادى.
"وسى قارىز اياسىندا توعىز اۆتوكٶلٸك جەنە بٸر تەمٸرجولعا ارنالعان ٶتكٸزۋ پۋنكتٸن جەتٸلدٸرٸپ, تەحنيكالىق جابدىقتاۋ جوسپارلانىپ وتىر. بۇل جوبانى وسى جىلدىڭ سوڭىنا قاراي باستاپ, 2022 جىلى اياقتايمىز", - دەدٸ سمايىلوۆ. جۋرناليستەردٸڭ سۇراقتارىنا جاۋاپ بەرگەن مينيستر قارىزعا الىنعان سومانىڭ 70 پايىزى ٶتكٸزۋ پۋنكتتەرٸن تەحنيكالىق جابدىقتاۋ ٷشٸن قىتايلىق قۇرىلعىلاردى ساتىپ الۋعا كەتەتٸنٸن ايتتى. "نەسيەگە بايلانىستى قىتايلىق Nuctech كومپانيياسىنان قۇرىلعىلار الامىز. بۇل - ٶز قۇرىلعىلارىن 122 ەلگە ۇسىنعان ەلەمگە تانىمال قىتايلىق كومپانييا. ولاردىڭ كەدەن سالاسىنداعى قۇرىلعىلارى امەريكالىق جەنە ەۋروپالىق انالوگتاردان كەم ەمەس, ال باعاسى - ارزانداۋ. تاڭداۋىمىزدىڭ سەبەبٸ وسى بولدى", - دەدٸ ول.
"دوللارمەن بەرٸپ, جىلىنا 3-4 پايىزدىق نەسيە ۇسىناتىن باسقا دا قارجى ۇيىمدارىمەن سالىستىرعاندا, بٸزگە مۇندا 20 جىلعا 2 پايىزبەن يۋان ارقىلى بەرٸلٸپ وتىر. يۋان دا ەلسٸرەيتٸن كەزدەر بولادى, سوندىقتان بيۋدجەتكە سالماق قاتتى تٷسپەيدٸ. ەگەر بٸز رەسپۋبليكالىق بيۋدجەتتەن قارجىلاندىرساق, مۇنداي جوبالار بيۋدجەتكە ٷلكەن قىسىم جاسايدى. سەبەبٸ بٸر سەتتە ٷلكەن كٶلەمدە قارجى قۇيۋ كەرەك بولادى. جەڭٸلدەتٸلگەن نەسيە الساق, شىعىندارىمىز از بولىپ, ول 20 جىلعا بٶلٸنەدٸ. قىتايدىڭ الدىندا مەملەكەتتٸك قارىزىمىز جوق. 1,2 ميلليارد دوللار كٶلەمٸندە كەپٸلدەندٸرٸلگەن قارىزىمىز بار, بٸز ونى اۆتوكٶلٸك جولى جوباسىن جٷزەگە اسىرۋ ٷشٸن العانبىز. ونى قازٸر تٶلەپ جاتىرمىز", - دەدٸ بٸرٸنشٸ ۆيتسە-پرەمەر.
