قازاقستان-قىتاي ٸسكەرلٸك كەڭەسٸ وتىرىسىندا 8 ملرد دوللاردىڭ كەلٸسٸمٸ رەسٸمدەلەدٸ. بٷگٸن اقوردادا ەلٸمٸزگە رەسمي ساپارمەن كەلگەن قحر تٶراعاسى سي تسزينپينمەن شاعىن جەنە كەڭەيتٸلگەن قۇرامداعى كەلٸسسٶزدەردەن كەيٸنگٸ بٸرلەسكەن مەلٸمدەمە بارىسىندا ەلباسى نۇرسۇلتان نازارباەۆ وسىلاي مەلٸمدەدٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
مەملەكەت باسشىسى قىتاي-قازاقستان-ەۋروپا باعدارىمەن كونتەينەرلٸك جٷك تاسىمالداۋ تۇراقتى ارتىپ, ەسەلەنە تٷسكەندٸگٸن اتاپ ٶتتٸ. 2020 جىلعا قاراي جٷك تاسىمالىنىڭ كٶلەمٸ جىلىنا 2 ملن كونتەينەرگە جەتەتٸگٸنە سەنٸمدٸ ەكەندٸگٸن باسا ايتتى.
«وسىلايشا قازاقستان ماڭىزدى ترانزيتتٸك ەلگە اينالىپ كەلەدٸ. بۇل - بٸزدٸڭ مٷددەمٸزگە ساي», - دەدٸ ەلباسى.
نۇرسۇلتان نازارباەۆ قازاقستان مەن قىتاي ٸسكەرلٸك كەڭەسٸنٸڭ جۇمىسىنا دا توقتالىپ ٶتتٸ.
«بٷگٸن استانادا اتالعان كەڭەستٸڭ تٶرتٸنشٸ وتىرىسى ٶتٸپ جاتىر. ونىڭ اياسىندا قازٸر عانا سٸزدەردٸڭ قاتىسۋلارىڭىزبەن قول قويىلعان قۇجاتتاردان بٶلەك 8 ملرد دوللاردىڭ 20-عا جۋىق كوممەرتسييالىق كەلٸسٸمٸنە قول قويىلاتىن بولادى», - دەدٸ قازاقستان پرەزيدەنتٸ.
