Qazaqstan-Qytai iskerlik keńesi otyrysynda 8 mlrd dollardyń kelisimi rásimdeledi. Búgin Aqordada elimizge resmi saparmen kelgen QHR Tóraǵasy Si Tszinpinmen shaǵyn jáne keńeitilgen quramdaǵy kelissózderden keiingi birlesken málimdeme barysynda Elbasy Nursultan Nazarbaev osylai málimdedi, dep habarlaidy Ult.kz tilshisi QazAqparat agenttigine silteme jasap.
Memleket basshysy Qytai-Qazaqstan-Eýropa baǵdarymen konteinerlik júk tasymaldaý turaqty artyp, eselene túskendigin atap ótti. 2020 jylǵa qarai júk tasymalynyń kólemi jylyna 2 mln konteinerge jetetigine senimdi ekendigin basa aitty.
«Osylaisha Qazaqstan mańyzdy tranzittik elge ainalyp keledi. Bul - bizdiń múddemizge sai», - dedi Elbasy.
Nursultan Nazarbaev Qazaqstan men Qytai iskerlik keńesiniń jumysyna da toqtalyp ótti.
«Búgin Astanada atalǵan keńestiń tórtinshi otyrysy ótip jatyr. Onyń aiasynda qazir ǵana sizderdiń qatysýlaryńyzben qol qoiylǵan qujattardan bólek 8 mlrd dollardyń 20-ǵa jýyq kommertsiialyq kelisimine qol qoiylatyn bolady», - dedi Qazaqstan Prezidenti.
