قازاقستاننىڭ ەلشٸسٸ كەرٸم كٶكٸرەكباەۆ قىرعىزستاننىڭ سىرتقى ٸستەر مينيسترٸ ەرلان ابدىلداەۆقا الماتى ەۋەجايىندا جولاۋشىلاردى تەكسەرۋگە قاتىستى جاعداي بويىنشا جاۋاپ نوتا تابىس ەتتٸ, دەپ جازادى Sputnik اگەنتتٸگٸ.
بۇل تۋرالى ريا نوۆوستي-گە قازاقستاننىڭ سىرتقى ٸستەر مينيسترلٸگٸنٸڭ باسپاسٶز قىزمەتٸنٸڭ جەتەكشٸسٸ ايبەك سماديياروۆ حابارلادى.
بۇعان دەيٸن قىرعىزستانداعى قازاقستان ەلشٸسٸنە نارازىلىق نوتاسى تاپسىرىلعان ەدٸ. قىرعىز تارابى الماتى ەۋەجايىندا "قر قۇزىرلى ورگاندارىنىڭ لاۋازىمدى تۇلعالارى تاراپىنان شەكتەن تىس, كەمسٸتەتٸن قورلىق ەرەكەتتەر جاسالماۋىنا" نازار اۋدارۋدى سۇرادى. ٶز كەزەگٸندە قازاقستاننىڭ سىرتقى ٸستەر مينيسترلٸگٸ باقىلاۋ-ٶتكٸزۋ پۋنكتتەرٸندەگٸ تەكسەرٸستەردٸڭ ەلەمدٸك ستاندارتتارعا ساي ەكەنٸن جەنە بەلگٸلٸ بٸر ەلدٸڭ ازاماتتارىنا قاتىستى قاساقانا ماقساتتاعى تەكسەرٸستەر جٷرگٸزٸلمەيتٸنٸن حابارلادى.
"قازاقستاننىڭ ەلشٸسٸ كەرٸم كٶكٸرەكباەۆ قىرعىز رەسپۋبليكاسىنىڭ سىرتقى ٸستەر مينيسترٸ ەرلان ابدىلداەۆپەن كەزدەستٸ. وعان الماتى قالاسى حالىقارالىق ەۋەجايىنداعى قىرعىزستان ازاماتتارىنا قاتىستى جاعداي بويىنشا جاۋاپ نوتاسىن تابىس ەتتٸ. نوتادا دٷيسەنبٸ كٷنٸ حابارلانعان قازاقستاندىق تاراپتىڭ پوزيتسيياسى باياندالعان", — دەپ حابارلادى سماديياروۆ.
سونداي-اق, ونىڭ سٶزٸنشە, كەزدەسۋ بارىسىندا قازاقستان مەن قىرعىزستاننىڭ ەكٸجاقتى ىنتىماقتاستىعىنىڭ باسقا دا مەسەلەلەرٸ تالقىلاندى.
