Qazaqstannyń elshisi Kárim Kókirekbaev Qyrǵyzstannyń syrtqy ister ministri Erlan Abdyldaevqa Almaty áýejaiynda jolaýshylardy tekserýge qatysty jaǵdai boiynsha jaýap nota tabys etti, dep jazady Sputnik agenttigi.
Bul týraly RIA Novosti-ge Qazaqstannyń Syrtqy ister ministrliginiń baspasóz qyzmetiniń jetekshisi Aibek Smadiiarov habarlady.
Buǵan deiin Qyrǵyzstandaǵy Qazaqstan elshisine narazylyq notasy tapsyrylǵan edi. Qyrǵyz taraby Almaty áýejaiynda "QR quzyrly organdarynyń laýazymdy tulǵalary tarapynan shekten tys, kemsitetin qorlyq áreketter jasalmaýyna" nazar aýdarýdy surady. Óz kezeginde Qazaqstannyń syrtqy ister ministrligi baqylaý-ótkizý pýnktterindegi tekseristerdiń álemdik standarttarǵa sai ekenin jáne belgili bir eldiń azamattaryna qatysty qasaqana maqsattaǵy tekserister júrgizilmeitinin habarlady.
"Qazaqstannyń elshisi Kárim Kókirekbaev Qyrǵyz respýblikasynyń syrtqy ister ministri Erlan Abdyldaevpen kezdesti. Oǵan Almaty qalasy halyqaralyq áýejaiyndaǵy Qyrǵyzstan azamattaryna qatysty jaǵdai boiynsha jaýap notasyn tabys etti. Notada dúisenbi kúni habarlanǵan qazaqstandyq taraptyń pozitsiiasy baiandalǵan", — dep habarlady Smadiiarov.
Sondai-aq, onyń sózinshe, kezdesý barysynda Qazaqstan men Qyrǵyzstannyń ekijaqty yntymaqtastyǵynyń basqa da máseleleri talqylandy.
