قازاقستان كۆي-گە ارنالعان تەست ٶتكٸزۋ سانى بويىنشا ەلەمدە 47-ورىندا. بۇل تۋرالى ٷكٸمەت وتىرىسىندا قر دەنساۋلىق ساقتاۋ مينيسترٸ الەكسەي تسوي ايتتى, دەپ حابارلايدى قازاقپارات.
«بٷگٸندە حالىقتىڭ تەستٸلەۋدەن ٶتۋگە قولجەتٸمدٸلٸگٸ قامتاماسىز ەتٸلگەن. زەرتحانالاردىڭ قۋاتى تەۋلٸگٸنە 126 مىڭ زەرتتەۋدەن اسىپ تٷسەدٸ. زەرتحانا سانىن 165-كە دەيٸن ارتتىرۋ ەسەبٸنەن تەۋلٸگٸنە 60 مىڭ زەرتتەۋ جٷرگٸزٸلەدٸ. قازاقستان كوروناۆيرۋس ينفەكتسيياسىنا ارنالعان تەست ٶتكٸزۋ سانى بويىنشا ەلەمنٸڭ 22 ەلٸنٸڭ ٸشٸندە 47-ورىندا تۇر», - دەدٸ مينيستر.
وسى رەتتە ول قوستاناي, پاۆلودار جەنە سولتٷستٸك قازاقستان وبلىستارىن «قىزىل» ايماقتا قالىپ وتىرعانىن ايتتى. ال «سارى» ايماققا قاراعاندى, اقمولا وبلىستارى جەنە الماتى مەن نۇر-سۇلتان قالاسى كٸردٸ.
«قازاقستان جەنە قالعان 10 ٶڭٸر «جاسىل» ايماقتا تۇر. رەپرودۋكتيۆتٸلٸك سان 0,90-دى قۇرايدى. تولىقتاي العاندا, سوڭعى 2 ايدا قازاقستاندا اۋرۋشاڭدىڭ 3,4 ەسە, ٶلٸم-جٸتٸم 4 ەسە تٶمەندەدٸ. 1 تامىزدان رەسپۋبليكادا ينفەكتسييالىق تٶسەك-ورىندار جٷكتەمەسٸ 56-دان 30 پايىزعا, رەانيماتسييالىق تٶسەك-ورىندار 45-تەن 26 پايىزعا تٶمەندەگەنٸ بايقالادى. رەزەرۆتە 30 مىڭنان استام تٶسەك-ورىن بار», - دەدٸ الەكسەي تسوي.
