Qazaqstan KVI-ge arnalǵan test ótkizý sany boiynsha álemde 47-orynda. Bul týraly Úkimet otyrysynda QR Densaýlyq saqtaý ministri Aleksei Tsoi aitty, dep habarlaidy QazAqparat.
«Búginde halyqtyń testileýden ótýge qoljetimdiligi qamtamasyz etilgen. Zerthanalardyń qýaty táýligine 126 myń zertteýden asyp túsedi. Zerthana sanyn 165-ke deiin arttyrý esebinen táýligine 60 myń zertteý júrgiziledi. Qazaqstan koronavirýs infektsiiasyna arnalǵan test ótkizý sany boiynsha álemniń 22 eliniń ishinde 47-orynda tur», - dedi ministr.
Osy rette ol Qostanai, Pavlodar jáne Soltústik Qazaqstan oblystaryn «qyzyl» aimaqta qalyp otyrǵanyn aitty. Al «sary» aimaqqa Qaraǵandy, Aqmola oblystary jáne Almaty men Nur-Sultan qalasy kirdi.
«Qazaqstan jáne qalǵan 10 óńir «jasyl» aimaqta tur. Reprodýktivtilik san 0,90-dy quraidy. Tolyqtai alǵanda, sońǵy 2 aida Qazaqstanda aýrýshańdyń 3,4 ese, ólim-jitim 4 ese tómendedi. 1 tamyzdan respýblikada infektsiialyq tósek-oryndar júktemesi 56-dan 30 paiyzǵa, reanimatsiialyq tósek-oryndar 45-ten 26 paiyzǵa tómendegeni baiqalady. Rezervte 30 myńnan astam tósek-oryn bar», - dedi Aleksei Tsoi.
