فوتو: دۋمان قۇرمانعاليەۆ
Qazaqstan جەڭٸل اتلەتيكا كەشەنٸندە ەسكەري قىزمەتشٸلەر اراسىندا قازاق كٷرەسٸنەن I ەلەم چەمپيوناتىنىڭ جابىلۋ سالتاناتى ٶتتٸ, دەپ حابارلايدى Ult.kz.
حالىقارالىق ەسكەري سپورت كەڭەسٸنٸڭ (Conseil International du Sport Militaire) قولداۋىمەن ٶتكەن اۋقىمدى سپورتتىق تۋرنير كەڭەس وداعىنىڭ باتىرى ەلييا مولداعۇلوۆاعا ارنالدى.
جابىلۋ سالتاناتىنا قورعانىس مينيسترٸ اۆياتسييا گەنەرال-لەيتەنانتى دەۋرەن قوسانوۆ, CISM پرەزيدەنتٸ برازيلييا ارميياسىنىڭ پولكوۆنيگٸ روليم فيلو نيلتون گومەس, شەتەلدٸك دەلەگاتسييالاردىڭ ٶكٸلدەرٸ, قازاقستاندىق سپورت ارداگەرلەرٸ جەنە قارۋلى كٷشتەردٸڭ ەسكەري قىزمەتشٸلەرٸ قاتىستى. CISM باسشىلىعىنا, تٶرەشٸلەرگە, جاتتىقتىرۋشىلارعا, ەرٸكتٸلەر مەن دەمەۋشٸلەرگە جوعارى دايىندىق دەڭگەيٸ ٷشٸن العىسىن بٸلدٸرگەن قازاقستان قورعانىس مينيسترٸ سپورتشىلاردى ەلەم بٸرٸنشٸلٸگٸنٸڭ اياقتالۋىمەن قۇتتىقتاپ, زور دەنساۋلىق, جاڭا جەڭٸستەر مەن قىزمەتتە جەتٸستٸكتەر تٸلەدٸ.
– قازاق كٷرەسٸ – عاسىرلار بويى ۇرپاقتان ۇرپاققا جالعاسىپ كەلە جاتقان حالقىمىزدىڭ اسىل مۇراسى. ونىڭ نەگٸزگٸ مەنٸ – ەدٸلەتتٸلٸك, تاباندىلىق, ماقساتقا ۇمتىلۋشىلىق جەنە تٶزٸمدٸلٸك. بٷگٸنگٸ جارىستا بالۋاندار شىنايى سپورتتىق رۋح پەن ناعىز شەبەرلٸكتٸ كٶرسەتتٸ. ەلەم چەمپيوناتى تەك سپورتتىق جارىستىڭ عانا ەمەس, سونىمەن قاتار دوستىقتىڭ, ٶزارا قۇرمەت پەن حالىقارالىق ەسكەري ىنتىماقتاستىقتى نىعايتۋدىڭ الاڭىنا اينالدى, – دەپ اتاپ ٶتتٸ قورعانىس ۆەدومستۆوسىنىڭ باسشىسى اۆياتسييا گەنەرال-لەيتەنانتى دەۋرەن قوسانوۆ.
العاشقى جەكپە-جەكتەر وتاندىق ۇلتتىق سپورت مەكتەبٸنٸڭ ارتىقشىلىعىن كٶرسەتتٸ. ەلەم چەمپيوناتىنىڭ قورىتىندىسى بويىنشا جالپى كوماندالىق ەسەپتە بٸرٸنشٸ ورىندى قازاقستان قۇراماسى, ەكٸنشٸ ورىندى ٶزبەكستان كومانداسى, ٷشٸنشٸ ورىندى رەسەي الدى. جابىلۋ سالتاناتىندا CISM پرەزيدەنتٸ پولكوۆنيك روليم فيلو نيلتون گومەس سٶز سٶيلەپ, جارىستىڭ جوعارى دەڭگەيدە ۇيىمداستىرىلعانىن جەنە سپورتشىلاردىڭ تاماشا دايىندىعىن اتاپ ٶتتٸ.
– ەلەم ەلدەرٸ كٶشپەندٸلەردٸڭ دەستٷرلەرٸ مەن قازاق كٷرەسٸنٸڭ ۇلتتىق سپورت تٷرٸ قانداي ەكەنٸن كٶردٸ. بۇرىن جاۋىنگەرلەردٸڭ جەكپە-جەك ٶنەرٸ ولاردىڭ ٶمٸر سالتى بولدى. بۇل سپورت ەلەمنٸڭ بارلىق ەلدەرٸنٸڭ ەسكەري قىزمەتشٸلەرٸنە تەن تٶزٸمدٸلٸك, تاكتيكالىق شەبەرلٸك, جوعارى ينتەللەكت جەن ابىروي سىندى قۇندىلىقتار مەن قاسيەتتەردٸ قامتيدى. قازاق كٷرەسٸنٸڭ بولاشاعى زور ەكەنٸنە سەنٸمدٸمٸن, – دەدٸ ول.
ەرلەر اراسىندا قازاقستان بالۋاندارى بەكجان تٶلەپوۆ (55 كەلٸ), ەرنۇر سٷلەيمەن (60 كەلٸ), ساعىندىق ەشٸم (66 كەلٸ), جۇماجان قوجامبەكوۆ (74 كەلٸ) جەنە عالىمجان قىرىقباي (100 كەلٸدەن جوعارى), رەسەيلٸك بالۋاندار گلەب گولوۆ (82 كەلٸ) جەنە ۆلاديمير دوسياك (100 كەلٸ), ٶزبەكستاننان كەلگەن ومار بوزوروۆ (90 كەلٸ) چەمپيون اتاندى.
ەيەلدەر اراسىندا جەڭٸسكە جەتكەندەر – قازاقستاندىق سپورتشىلار ايجان جىلقىباەۆا (48 كەلٸ), راۋزا نۇرمۇحامەتوۆا (56 كەلٸ) جەنە اقەركە رامازانوۆا (77 كەلٸدەن جوعارى), ٶزبەكستاننان كەلگەن سيتور يلمۋرودوۆا (52 كەلٸ) جەنە شاحنوزا بوزوروۆا (77 كەلٸ), رەسەي قۇراماسىنىڭ ٶكٸلدەرٸ ۆالەنتينا وستاپەتس (60 كەلٸ) جەنە داريا كۋزميچەۆا (65 كەلٸ).
قازاق كٷرەسٸنەن CISM ەلەم چەمپيوناتىنىڭ قورىتىندىسى بويىنشا قازاقستاندىق سپورتشىلار تارتىسقا تولى سايىستا 8 التىن, 6 كٷمٸس جەنە 2 قولا مەدال ولجالادى.
