قازاقستان كٶكپار فەدەراتسيياسىنىڭ پرەزيدەنتٸ ەرلەن وسپانوۆ جارتىلاي فينالدا قازاق كٶكپارشىلارى لايىقتى دەڭگەيدە ٶنەر كٶرسەتتٸ دەپ سانايدى.
دٷنيەجٷزٸلٸك كٶشپەندٸلەر ويىندارىندا قازاقستان قۇراماسى جارتىلاي فينالدا ٶزبەكستانعا ەسە جٸبەرٸپ, فينالعا شىعا الماي قالعان ەدٸ. وسىدان كەيٸن كٶكپاردان قىرعىزستان كومانداسىنىڭ بۇرىنعى باسشىسى تالاس بەگاليەۆ قازاق كٶكپارشىلارى قىرعىزدارمەن ويناۋعا قورقىپ, ٶزبەكتەردەن ەدەيٸ جەڭٸلٸپ قالدى دەپ مەلٸمدەگەن بولاتىن. قازاقستان كٶكپار فەدەراتسيياسى كٶكپار تٶڭٸرەگٸندەگٸ شۋعا تٷسٸنٸكتەمە بەرٸپ, الىپ-قاشپا ەڭگٸمەگە سەنبەۋگە شاقىردى.
"مۇنىڭ بەرٸ الىپ-قاشپا ەڭگٸمە, شىندىققا جاناسپايدى. قازاق كٶكپارشىلارى ٶتە جاقسى وينادى. جەڭٸلدٸ دەپ تە ايتۋعا بولمايدى, ەسەپ ايىرماسى ونشا كٶپ بولعان جوق, 5:4. ويىن تٸكەلەي ەفيردە كٶرسەتٸلدٸ, جٸگٸتتەر بار كٷشٸن سالدى. كوماندا قۇرامى — جاستار. بٸزدٸڭ ماقساتىمىز جاستاردى وسىنداي ٷلكەن دودالاردا شىعارىپ, شىڭداپ الۋ بولدى. بۇل ەندٸ تۋرنير عوي, الدا تالاي جارىستار بار. بيٸك بەلەستەرگە جەتەمٸز دەپ ويلايمىن", — دەدٸ وسپانوۆ.
قازاقستاننىڭ كٶكپار فەدەراتسيياسى قىرعىزستاننىڭ ٸشكٸ ٸستەر ورگاندارىنا تالاس بەگاليەۆ تۋرالى ايتقان.
"وسى جەردٸڭ ٸشكٸ ٸستەر ورگاندارىنا تالاس بەگاليەۆ دەگەن ادام كەلٸپ, ويىنشىلاردى ارانداتتى دەپ ايتتىق. قازٸر ولار وسى ٸسپەن اينالىسىپ جاتىر… قازاقستاننىڭ قۇراما كومانداسى وتىرعان اۆتوبۋسقا كٸرٸپ, "نامىستارىڭ جوق" دەگەن سيياقتى اۋىر سٶزدەر ايتقان. ەكٸ ەلدٸ ارازداستىرماق بولعان", — دەدٸ فەدەراتسييا پرەزيدەنتٸ.
وسپانوۆتىڭ پٸكٸرٸنشە, كٶكپار تٶڭٸرەگٸندە وسىنشاما شۋ كٶتەرۋدٸڭ ار جاعىندا قىرعىزستاننىڭ ساياسي كٷشتەرٸ جاتىر.
"بٸزدٸڭ ماقساتىمىز — ەكٸ ەلدٸڭ تاتۋلىعى, كٶكپار ويىنىنىڭ ٶركەندەۋٸ. لايىق دەڭگەيدە ٶنەر كٶرسەتتٸك دەپ سانايمىن. بۇل جارىستا كٶكپارعا وسىنشاما نازار اۋدارىپ, شۋ كٶتەرۋدٸڭ ار جاعىندا قىرعىز ەلٸنٸڭ ساياسي كٷشتەرٸ جاتىر دەپ ويلايمىن. سەبەبٸ بۇل سونشالىقتى بايبالام سالاتىن مەسەلە ەمەس ەدٸ. سپورت بٸزدٸ تاتۋلاستىرۋى كەرەك, بٸز تەك سول ماقساتتا كەلٸپ وتىرمىز. قىرعىز باۋىرلارىمىزدى بٸر تۋعان, اعايىن دەپ سانايمىز, ەشقاشان ولارمەن ارازداسپايمىز", — دەدٸ ول.
سونداي-اق, ەرلەن وسپانوۆ اقتىق سىنداعى ويىنعا قاتىستى جەكە پٸكٸرٸمەن بٶلٸستٸ.
"فينالدا قىرعىز كٶكپارشىلارى جەڭەدٸ دەپ ويلايمىن. ٶيتكەنٸ, كٶشپەندٸلەر ويىنى ٶز ەلدەرٸندە ٶتٸپ جاتىر, ونىڭ ٷستٸنە كوماندا دا مىقتى. بٸراق, بەرٸن ويىن كٶرسەتەدٸ عوي", — دەيدٸ فەدەراتسييا پرەزيدەنتٸ.
