قازاقستاندا ەيەلدەردٸڭ سانى بٸرتٸندەپ ازايىپ كەلەدٸ, دەپ حابارلايدى Sputnik قازاقستان اگەنتتٸگٸ Ranking.kz پورتالىنا سٸلتەمە جاساپ.
رەسمي مەلٸمەتكە سەيكەس, 2022 جىلدىڭ باسىندا قازاقستان حالقىنىڭ سانى 1,3 پروتسەنتكە ٶسٸپ, 19,12 ميلليون ادامعا دەيٸن جەتكەن. سونىڭ ٸشٸندە ەيەلدەر - 9,84 ميلليون, ال ەركەكتەر - 9,29 ميلليون. وسىلايشا, جىلدىڭ باسىندا ەيەلدەردٸڭ ٷلەسٸ 51,44 پروتسەنت بولعان. بٸر جىل بۇرىن بۇل كٶرسەتكٸش 51,48 پروتسەنت ەدٸ. بەس جىل بۇرىن 51,62, ال ون جىل بۇرىن 51,77 بولعان.
بيىل ٷش ايدىڭ قورىتىندىسى بويىنشا حالىقتىڭ سانى 19,18 ميلليونعا دەيٸن ٶستٸ. سونىڭ ٸشٸندە ەيەلدەر - 9,86, ەركەكتەر - 9,31 ميلليون ادام. وسىلايشا, ەيەلدەردٸڭ ٷلەسٸ تاعى ازايىپ, 51,43 پروتسەنتكە دەيٸن تٷسكەن.
"جالپى, ەيەلدەردٸڭ ٷلەسٸ ەركەكتەرگە قاراعاندا جوعارى بولىپ ساقتالسا دا, جىل سايىن تٶمەندەپ كەلەدٸ. مەسەلەن, سوڭعى بەس جىلدا ەيەلدەردٸڭ سانى ورتاشا ەسەپپەن جىل سايىن 1,2 پروتسەنتكە ٶسٸپ وتىرادى, ال ەركەكتەردٸڭ كٶرسەتكٸشٸ 1,4 پروتسەنت", - دەيدٸ ماماندار.
ەيەلدەردٸڭ جالپى سانى ەركەكتەردەن باسىم بولىپ تۇرسا دا, جاس ساناتىنا قاراي جاعداي مٷلدەم باسقاشا. مەسەلەن, 14-28 جاس ارالىعىنداعى ەيەلدەردٸڭ سانى 0,1 پروتسەنتكە ازايىپ, جىل باسىندا 1,83 ميلليون بولعان. ال وسى ساناتتاعى ەركەكتەردٸڭ سانى, كەرٸسٸنشە, 0,1 پروتسەنتكە ٶسٸپ, 1,92 ميلليونعا دەيٸن جەتكەن. بۇل دا تۇراقتى ديناميكا بولىپ وتىر. 2022 جىلدىڭ باسىندا جاس ەيەلدەردٸڭ ٷلەسٸ 48,87 پروتسەنتتٸ قۇرادى. سونداي-اق, وسى ساناتتاعى قىزداردىڭ سانى جىل سايىن ازايىپ كەلەدٸ.
مەسەلەن, بٸر جىل بۇرىن كٶرسەتكٸش 48,92 پروتسەنت بولعان, بەس جىل بۇرىن — 49,5%, ال ون جىل بۇرىن 49,88% دەڭگەيٸندە تۇرعان.
"وسىلايشا, "ستاتيستيكا بويىنشا 10 قىزعا 9 جٸگٸت" دەگەن ستەرەوتيپتٸڭ قازاسقتانعا ەشبٸر قاتىسى جوق. قازٸرگٸ ستاتيستيكا بويىنشا قازاقستاندا قىزدار ەمەس, ۇلدار كٶپ تۋىلادى. 2021 جىلى 216,2 مىڭ قىز دٷنيەگە كەلسە, ۇلدارداردىڭ سانى 230,3 مىڭ بولعان. قىزداردىڭ ٷلەسٸ 48,4 پروتسەنت", - دەلٸنگەن تالداۋدا.
ال نەكە جاسىنداعى (28 جاسقا دەيٸن) مىڭ جٸگٸتكە 956 قىز كەلەدٸ ەكەن. جىل سايىن وسى ايىرماشىلىق ارتىپ بارادى. ستاتيستيكا بويىنشا قازاقستاندا ەيەلدەردٸڭ سانى ەركەكتەردەن ارتىق. سەبەبٸ ەيەلدەر ۇزاعىراق ٶمٸر سٷرەدٸ.
