«قازاقستان حالقىنا» قايىرىمدىلىق قورىنىڭ نەگٸزٸن قالاۋشىلار كٸمدەر جەنە قور قۇرىلتايشىلارىنىڭ قانداي قۇقىعى بار? اتالعان سۇراقتارعا قور تٶراعاسى بولات جەمٸشەۆ جاۋاپ بەردٸ, دەپ حابارلايدى قازاقپارات.
«بٸرنەشە قوعامدىق بٸرلەستٸك بٸرٸگٸپ «قازاقستان حالقىنا» قورىنىڭ قۇرىلتايشىسى بولىپ وتىر. اتاپ ايتقاندا 4 قوعامدىق ۇيىم. نەگە ول 4 ۇيىم دەگەن سۇراقتار دا قويىلىپ جاتىر. اتالعان ۇيىمدار وسىعان دەيٸن دە مەملەكەتتٸك ورگاندارمەن بٸرلەسٸپ, دەنساۋلىق ساقتاۋ, بٸلٸم جەنە ەلەۋمەتتٸك سالادا قايىرىمدىلىق شاراسىمەن تۇراقتى اينالىسىپ كەلەدٸ. جەنە سول 4 قوعامدىق ۇيىم جوعارىدا اتالعان سالا مينيسترلٸكتەرٸنٸڭ ۇسىنىسىمەن تاڭدالدى. وسى تۇستا ەرەكشە ايتىپ ٶتكٸم كەلەدٸ, قۇرىلتايشىلاردىڭ قاتىسۋشىلار سەكٸلدٸ قۇقىعى جوق. ولارعا ارنايى قۇقىق بەرٸلمەيدٸ. ولار تەك قور جۇمىسىنىڭ باستالۋىنا سەرپٸن بەردٸ, قايىرىمدىلىقتى العاشقى بولىپ باستادى. قور از ۋاقىتتىڭ ٸشٸندە قۇرىلدى, سوندىقتان وسىنداي شەشٸم قابىلداندى» - دەدٸ بولات جەمٸشەۆ حابار 24 ارناسىنىڭ «وشاكباەۆ LIVE» باعدارلاماسىنىڭ ەفيرٸندە.
ونىڭ ايتۋىنشا, كەز كەلگەن قوعامدىق ۇيىم قور قاتىسۋشىسى بولا الادى. باستى تالاپ - قايىرىمدىلىق سالاسىندا تەجٸريبەنٸڭ بولۋى.
«قور جۇمىسىنا ٷلەس قوسامىن دەگەن قوعامدىق ۇيىمدار مەن بٸرلەستٸكتەرگە ەسٸگٸمٸز اشىق. قور - بٸرەۋدٸڭ جەكەمەنشٸگٸ ەمەس, حالىقتٸكٸ جەنە حالىق ٷشٸن قىزمەت ەتەدٸ», - دەيدٸ ول.
