قازاقستان حالقى جيناعان گۋمانيتارلىق كٶمەك. سۋرەتتە ۋكراينانىڭ قازاقستانداعى ەلشٸسٸ پەتر ۆرۋبلەۆسكيي كٸشكەنتاي قىزىمەن بٸرگە جٷك كٶلٸكتەرٸنٸڭ جانىندا تۇر. نۇر-سۇلتان, 11 ناۋرىز 2022
11 ناۋرىزدا تاڭەرتەڭ 40 توننا گۋمانيتارلىق جٷك تيەلگەن ەكٸ جٷك كٶلٸگٸ نۇر-سۇلتان قالاسىنان ۋكرايناعا اتتاندى. ۋكراينا ەلشٸسٸ پەتر ۆرۋبلەۆسكييدٸڭ سٶزٸنە قاراعاندا, جٷك كٶلٸگٸندە ازىق-تٷلٸك, دەرٸ-دەرمەك جەنە ٶزگە دە قاجەتتٸ زاتتار بار. ول ۋكرايناعا كٶمەك اكتسيياسىنا ٶتە كٶپ ادامنىڭ ٷلەس قوسقانىن ايتىپ, قازاقستاندىقتارعا العىس بٸلدٸردٸ, دەپ حابارلايدى ازاتتىق.
ەلشٸلٸك ٶكٸلدەرٸنٸڭ ايتۋىنشا, بۇل - قازاقستاننان ۋكرايناعا قۇرلىق ٷستٸمەن جٸبەرٸلگەن العاشقى گۋمانيتارلىق كٶمەك. بۇعان دەيٸن شامامەن 25 توننا جٷك تيەلگەن بورت ۇشاق ارقىلى ۋكرايناعا جەتكٸزٸلگەن.
جٷك كٶلٸكتەرٸ ەزەربايجان, تٷركييا, گرۋزييا, بولگارييا, رۋمىنييا ارقىلى ۋكراينانىڭ كيەۆ وبلىسىنا جەتكٸزٸلۋٸ تيٸس.
"پەتروپاۆل, ٶسكەمەن, قاراعاندى, اقتاۋ, اتىراۋ, قىزىلوردا, الماتى جەنە ٶزگە ٶڭٸرلەردەن عانا ەمەس, قازاقستانعا جاقىن ەلدەردەگٸ ازاماتاتتار دا ٷلەس قوسىپ جاتقانىنا قۋاندىق. بٸزگە كٶمەك بەرەمٸز دەپ قىتايدان جازدى. رەسەي, بەلارۋس سيياقتى وننان استام ەلدەن ازاماتتار جاۋاپ قاتتى" دەيدٸ ەرٸكتٸلەردٸڭ بٸرٸ راحىمبەك ەبدٸراحمانوۆ.
ەرٸكتٸلەردٸڭ ايتۋىنشا, قازاقستان بويىنشا "ەل بولاشاعى" باستاماسى ارقىلى 150 ملن تەڭگە جينالعان. وعان نەگٸزٸنەن دەرٸ-دەرمەك, مەرزٸمٸ ٶتپەيتٸن تاماقتار ساتىپ الىنعان. ول بويىنشا ەسەپ كەلەسٸ اپتادا تولىق جارييالانادى. ون مىڭداعان ادام دەرٸ-دەرمەك, گيگيەنا زاتتارى, بالالار كيٸمٸ, اياق كيٸم سيياقتى زاتتار ەكەلٸك كٶمەكتەسكەن. ون مىڭداعان ادام اقشا جٸبەرگەن.
