قازاقستان كەمەلەرٸ وب ٶزەنٸمەن حانتى-مانسييسك وكرۋگٸنە دەيٸن شىعۋعا مٷمكٸندٸك الادى. بۇل تۋرالى قر يندۋسترييا جەنە ينفراقۇرىلىمدىق دامۋ ۆيتسە-مينيسترٸ بەرٸك كاماليەۆ ايتتى, دەپ حابارلايدى قازاقپارات.
سەناتتىڭ جالپى وتىرىسىندا «كەمە قاتىناسى تۋرالى كەلٸسٸمدٸ راتيفيكاتسييالاۋ تۋرالى» قر زاڭى بويىنشا بايانداما جاساعان ونىڭ ايتۋىنشا, اتالعان قۇجاتتا ەكٸجاقتى تاسىمالداردى حابارلاما تەرتٸبٸنە اۋىستىرۋ بەلگٸلەنگەن. جىل سايىن, 1 سەۋٸرگە دەيٸن ۋەكٸلەتتٸ ورگاندار ەكٸجاقتى تاسىمالداردى جٷزەگە اسىراتىن كەمەلەردٸڭ الدىن الا تٸزٸمدەرٸن كەلٸسەتٸن بولادى. قاجەت بولعان جاعدايدا جىل ٸشٸندە بۇل تٸزٸمگە ٶزگەرٸس ەنگٸزۋ مٷمكٸندٸگٸ قارالعان.
«بۇل رەتتە كەلٸسٸم قابىلدانعاننان كەيٸن قازاقستاندىق تاسىمالداۋشىلار ٶزەن تاسىمالدارىن ەرتٸس باسسەينٸ شەگٸندە عانا ەمەس, وب ٶزەنٸمەن حانتى-مانسييسك وكرۋگٸنە دەيٸن شىعۋعا مٷمكٸندٸك الادى. سونداي-اق اتىراۋ, استراحان, ۆولگوگراد پورتتارى اراسىنداعى ەكٸجاقتى تاسىمالداردى جاڭارتۋ مەسەلەسٸ دە قاراستىرىلعان. 2025 جىلعا قاراي ٶزەن تاسىمالدارىنىڭ كٶلەمٸن «نۇرلى جول» باعدارلاماسى بويىنشا 3,8 ملن تونناعا دەيٸن جەتكٸزۋدٸ جوسپارلاپ وتىرمىز», - دەدٸ بەرٸك كاماليەۆ.
ۆيتسە-مينيستر كەلٸسٸم تاراپتاردىڭ پورتتار قىزمەتتەرٸنە تەڭ جاعدايلار جاساۋىن, سونداي-اق كەمە جەنە ەكيپاج مٷشەلەرٸنٸڭ قۇجاتتارىن ٶزارا تانۋدى كٶزدەيتٸندٸگٸن ايتتى.
«بۇل باقىلاۋشى ورگانداردىڭ كەمەلەردٸ قاراپ-تەكسەرۋ رەسٸمدەرٸن جەڭٸلدەتۋگە مٷمكٸندٸك بەرەدٸ. كەلٸسٸمدٸ ٸسكە اسىرۋ اياسىندا تاراپتار ەكيپاج قۇرامىنا قويىلاتىن تالاپتاردى بەلگٸلەۋ بويىنشا جەكە ۆەدومستۆوارالىق شارت قابىلداۋدى جوسپارلاۋدا», - دەدٸ ول.
