قازاقستان يلون ماسك زىمىرانىمەن جەرسەرٸك ۇشىرادى. بۇل تۋرالى بٷگٸن «Digital Bridge» حالىقارالىق يننوۆاتسييالىق فورۋمىندا قر قورعانىس جەنە اەروعارىش ٶنەركەسٸبٸ ۆيتسە-مينيسترٸ مارات نۇرعوجين ايتتى, دەپ حابارلايدى قازاقپارات تٸلشٸسٸ.
«عارىش عىلىمى بٸر ورنىندا تۇرمايدى. بٸزدٸڭ ينستيتۋتتار جەردە عارىشتىق تەحنولوگييالاردى پايدالانۋعا مٷمكٸندٸك بەرەتٸن عارىشتىق بايلانىس, جەرسەرٸكتٸك ناۆيگاتسييا سىندى كٶپتەگەن بايىپتى قۇرىلعىلار ەزٸرلەۋدە. اعىمداعى جىلى بٸز سالماعى 6 تونناعا دەيٸن جەتەتٸن عارىش اپپاراتىنىڭ قۇراستىرۋ-سىناۋ كەشەنٸنٸڭ قۇرىلىسىن اياقتايتىندىعىمىزدى اتاپ ٶتكٸم كەلەدٸ», - دەدٸ ول فورۋمنىڭ «عارىشتىق يننوۆاتسييانىڭ ەلەمدٸك ارەناسىنداعى قازاقستاننىڭ ەلەۋەتٸ» اتتى سەسسيياسىندا.
وسى رەتتە ۆيتسە-مينيستر ٶتكەن جىلى قازاقستان ارنايى كونسترۋكتورلىق-تەحنولوگييالىق بيۋرونى ٸسكە قوسقانىن اتاپ ٶتتٸ. قازاقستاندىق 150-دەن استام ينجەنەردٸڭ ەۋروپا, ۇلىبريتانييا جەنە رەسەيدٸڭ زاۋىتتارىندا تاعلىمدامادان ٶتكەنٸن ايتتى.
«ولار قازاقستاندا جۇمىس ٸستەۋدە جەنە بٸز ٶزٸمٸزدٸڭ عىلىمي-تەحنولوگييالىق ماقساتتاعى ٷشٸنشٸ عارىشتىق جٷيەمٸزدٸ قۇردىق. ەگەر بارلىعى دا دۇرىس بولسا, وندا 19 قاراشادا كاليفورنييادا Falcon 9 عارىش تاسىمالدىعىشىمەن 2 جەرسەرٸگٸن ۇشىرامىز. جەنە دە ينجەنەرلەرٸمٸز بەن كونسترۋكتورلارىمىزدىڭ بارلىق ەزٸرلەمەسٸن عارىشتا اپروباتسييالايمىز. ياعني, ولار ۇشۋ تەجٸريبەسٸن الادى جەنە كوممەرتسياليزاتسييالاۋعا جەنە مەنشٸكتٸ جەرسەرٸكتٸ وسى جەردە قۇرۋعا مٷمكٸندٸك بەرەدٸ. بۇل, ەڭ الدىمەن, قولدانىستاعى اپپاراتتىڭ ورنىن باساتىن بايلانىس جەرسەرٸگٸ بولادى», - دەدٸ مارات نۇرعوجين.
ايتا كەتەيٸك, فورۋمنىڭ تسيفرلىق ەكونوميكانى دامىتۋدىڭ جاھاندىق ترەندتەرٸ تالقىلانعان جالپى وتىرىسىنا قاتىسقان پرەمەر-مينيستر «Digital Bridge» ٷلكەن بايلانىستار جاسالاتىن الاڭعا اينالاتىندىعىن, قازاقستان تەك قانا تسيفرلىق كٷن تەرتٸپپەن ٶمٸر سٷرٸپ جاتقانىن ايتقان ەدٸ.
Digital Bridge - قازاقستانداعى بيىلعى جىلى ٶتٸپ وتىرعان باستى يننوۆاتسييالىق وقيعا.
قاتىسۋشىلار فورۋمنىڭ ديالوگتٸك الاڭىندا تسيفرلاندىرۋ سالاسىنداعى سوڭعى ەلەمدٸك ترەندتەردٸ تالقىلاپ, الدىڭعى قاتارلى تەجٸريبەلەرمەن جەنە بيزنەس-مودەلدەرمەن بٶلٸستٸ. Digital Bridge فورۋمى تسيفرلىق ترانسفورماتسييا, ەلەكتروندىق ٷكٸمەت, تەحنولوگييالىق كەسٸپكەرلٸك جەنە 4-شٸ ٶنەركەسٸپتٸك رەۆوليۋتسييا يدەيالارىن ٸلگەرٸلەتۋگە ارنالعان ەۋروپا مەن ازييا ەلدەرٸنٸڭ اراسىنداعى ديالوگتٸك الاڭدى قۇرايتىن جىل سايىنعى ٸس-شارا بولادى دەپ كٶزدەلۋدە.
