قورعانىس جەنە اەروعارىش ٶنەركەسٸبٸ مينيسترٸ بەيبٸت اتامقۇلوۆ ادامنىڭ بەت-ەلپەتٸن تانيتىن جٷيە تۋرالى ايتىپ بەردٸ. بۇل جٷيەنٸ قازاقستاننىڭ ماماندارى جاساپ جاتىر, دەپ حابارلايدى قازاقپارات تٸلشٸسٸ.
«ٶتكەن جىلى بٸز وسى جوبا بويىنشا جۇمىستاردى باستاپ, بۇل باعدارلاما بويىنشا ۇلتتىق عىلىمي كەڭەستەن ٶتتٸك. ٶكٸنٸشكە قاراي, قر بٸلٸم جەنە عىلىم مينيسترلٸگٸ جانىنداعى جوعارى عىلىمي-تەحنيكالىق كوميسسييادا بٸزدٸڭ ەزٸرلەمەلەر قارجىلاندىرۋعا ٶتپەي قالدى. سوندىقتان دا زاڭنامانىڭ قابىلدانۋىن كٷتٸپ وتىرمىز. بۇل, قۇپييالىعى بار ەزٸرلەمە بولعاندىقتان, ولاردى شەتەلدٸك ساراپشىلاردىڭ تالقىلاۋىنا بەرە المايمىز», - دەدٸ ۆەدومستۆو باسشىسى مەجٸلٸستەگٸ ٷكٸمەت ساعاتىندا.
مينيستردٸڭ اتاپ ٶتۋٸنشە, الداعى جىلدان باستاپ بۇل جوبانى قارجىلاندىرۋ باستالۋى مٷمكٸن.
«جۇمىستار العا جىلجىپ جاتىر, الايدا قارجىلاندىرۋ مەسەلەلەرٸنە بايلانىستى بٸرشاما تەجەلٸپ قالدى», - دەپ قوستى ۆەدومستۆو باسشىسى.
سونىمەن قاتار, ول جوبانى ٸسكە قوسۋ ٷشٸن قاجەتتٸ قارجى كٶلەمٸن جارييالاۋدان باس تارتتى.
«مەن بۇل مەلٸمەتتٸ ايتا المايمىن, سەبەبٸ بۇل جوبا جاپپاي جارييالاۋعا جاتپايدى. اتاپ ايتقاندا, بەت-ەلپەتتٸ تانۋدىڭ وتاندىق ەزٸرلەمەسٸ. ونى «اقىلدى قالا» سەكٸلدٸ جٷيەگە پايدالانۋعا بولادى», - دەدٸ بەيبٸت اتامقۇلوۆ.
