قازاقستان كەڭەستٸك ەسكەري تەحنيكالارىن جاڭعىرتىپ, سىرتقى نارىقتا ساتۋدى جوسپارلاپ وتىر. بۇل تۋرالى بٷگٸن قر پارلامەنتٸ مەجٸلٸسٸندە «قورعانىس ٶنەركەسٸبٸ جنە مەملەكەتتٸك قورعانىستىق تاپسىرىس تۋرالى» زاڭ جوباسىن تانىستىرعان ەلٸمٸزدٸڭ قورعانىس جەنە اەروعارىش ٶنەركەسٸبٸ مينيسترٸ بەيبٸت اتامقۇلوۆ ايتتى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
ونىڭ ايتۋىنشا, اتالعان زاڭ جوباسىندا پايدالانىلمايتىن ەسكەري مٷلٸكتەردٸ قورعانىس جەنە اەروعارىش ٶنەركەسٸبٸ مينيسترلٸگٸنٸڭ قاراۋىنا بەرۋ ۇسىنىلىپ وتىر. بۇعان قوسا, زاڭ جوباسىندا پايدالانىلمايتىن قارۋ-جاراقتار مەن ەسكەري تەحنيكالاردى وتاندىق قورعانىس-ٶنەركەسٸپ كەشەنٸ ۇيىمدارىندا جٶندەپ, ەكسپورتقا شىعارۋ شارتىمەن ساتۋ كٶزدەلگەن.
«بٸز پايدالانىلمايتىن مٷلٸكتەردٸ قاراۋىنا بەرۋ قۇقىعىن ەكٸ كەزەڭمەن جٷزەگە اسىرۋ ۇسىنىلادى. بٸرٸنشٸ كەزەڭدە «قر قورعانىس جەنە قارۋلى كٷشتەرٸ تۋرالى» زاڭعا ٶزگەرتەۋلەر ەنگٸزۋ جولىمەن ەڭ الدىمەن مينيسترلٸككە پايدالانىلمايتىن ەسكەري مٷلٸكتەرگە بيلٸك ەتۋ قۇزٸرەتٸن بەكٸتۋ ۇسىنىلادى. ەكٸنشٸ كەزەڭ رەسپۋبليكالىق بيۋدجەتتٸك كوميسسييا شارتتارىن ماقۇلداعان جاعدايدا رەسپۋبليكالىق بيۋدجەتتەن قارجى قاراجاتى بٶلٸنگەن جاعدايدا ەسكەري بٶلٸمدەردٸڭ اۋماعىن ساقتالىپ تۇرعان مٷلٸكتەردەن بوساتۋ پروتسەدۋراسىن قامتيدى», - دەدٸ مينيستر.
بەيبٸت اتامقۇلوۆتىڭ سٶزٸنە قاراعاندا, قازاقستاندا سوناۋ كەڭەستٸك زاماننان قالعان ەسكٸ ەسكەري تەحنيكالار ەسكەري بٶلٸمدەردٸڭ قويمالارىندا تۇر. سوندىقتان اتالعان تەحنيكالاردى جٶندەپ, جاڭعىرتىپ, ەكسپورتقا شىعارىپ ساتۋ كٶزدەلۋدە. ال ساتىلماي قالعان ەسكەري مٷلٸكتەر جويىلاتىن بولادى.
«بۇل شارالار ەلدٸڭ ٸشٸندە قارۋ-جاراقتىڭ كٶلەڭكەلٸ اينالىمىن بولدىرماۋ ٷشٸن ۇسىنىلىپ وتىر», - دەدٸ ول.
