ۋكرايناداعى جاعدايعا بايلانىستى قازاقستاندىقتاردى قاۋٸپسٸز جەرگە كٶشٸرۋ شارالارى باستالدى. الايدا ەۆاكۋاتسييالاۋعا قاتىستى تٷرلٸ اقپارات تارالىپ جاتىر. تٸپتٸ, "ەلگە ورالۋ ٷشٸن اقشا سۇرايدى" دەگەن اقپارات تا بار.
Sputnik قازاقستان تٸلشٸسٸنە سۇحبات بەرگەن قازاقستاننىڭ ۋكرايناداعى ەلشٸسٸ دارحان قالەتاەۆ ەۆاكۋاتسييانىڭ قيىندىقتارى تۋرالى ايتىپ بەردٸ.
موبيليزاتسييا باستالدى
ەلشٸنٸڭ ايتۋىنشا, بٷگٸندە حالىقتى تاسىمالداۋعا ادام جەتٸسپەي جاتىر. سەبەبٸ ۋكراينادا جالپى موبيليزاتسييا جارييالاندى. كٶلٸك جٷرگٸزۋشٸلەرٸ دە ارميياعا شاقىرىلىپ جاتىر.
"كٶلٸك مٷلدەم جوق, كٶلٸك بولعاندا ونى جٷرگٸزەتٸن ادام جوق. كٶلٸك كومپانييالارى اۆتوبۋستىڭ رٶلٸنە وتىرعىزاتىن ادام تاپپاي جاتىر. ٶيتكەنٸ بۇل جاقتا بارلىق ەر ادامدى موبيليزاتسييالاۋعا كٸرٸستٸ. مەن ەلشٸلٸكتەگٸ كٶلٸكتەردٸڭ بەرٸن ەۆاكۋاتسييالاۋ جۇمىسىنا تارتتىم. بٸر ساعات بۇرىن 100 ادامدى جٸبەردٸك. بارلىق كٶلٸككە وتىرعىزدىق. مەن ٶزٸم كٶلٸكسٸز قالدىم", - دەدٸ قالەتاەۆ.
ونىڭ ايتۋىنشا, ۋكراينادا جٷرگەن قازاقستاندىقتاردىڭ سانى كٶپ بولىپ شىقتى. نۇر-سۇلتان ۋاقىتىمەن ساعات 10:00-گە دەيٸن ەۆاكۋاتسيياعا 486 قازاقستان ازاماتى ٶتٸنٸش بەرگەن. بارلىعىن ەلگە قايتارۋ ٷشٸن, كەم دەگەندە, ٷش ەۋە رەيسٸن جاساۋعا تۋرا كەلەدٸ.
دەگەنمەن, ادامداردىڭ سانى تاعى ٶسۋٸ مٷمكٸن.
"شامامەن, 500 ادام دەپ وتىرمىز. بٸراق ونىمەن توقتامايتىن سيياقتى. بۇل - تاڭعى ساعات التىداعى مەلٸمەت", - دەپ اتاپ كٶرسەتتٸ قالەتاەۆ.
ەسەپكە تۇرماعاندار شىعا باستادى
قازٸرگٸ كەزدە ەلشٸلٸكتٸڭ ەسەبٸندە, شامامەن, 500 قازاقستان ازاماتى بار. ولاردىڭ ٸشٸندە ديپلوماتتار جەنە ۋكرايناعا جۇمىس ٸستەۋ ٷشٸن كەلگەندەر بار. بٸراق ەسەپكە تۇرماعان ادامدار دا جوق ەمەس.
"بٸزدە تۇراقتى ەسەپ بار. بٸرەۋلەر وتباسىن قۇردى. ولاردىڭ سانى, شامامەن, 1 100 ادامدى قۇرايدى. وتباسى بولعاننان كەيٸن تٸركەۋگە تۇرماي, جٷرە بەرەدٸ", - دەيدٸ قالەتاەۆ.
قازٸرگٸ كەزدە تٸركەۋگە تۇرماعان قازاقستاندىقتار دا ەۆاكۋاتسييالاۋدى سۇراپ وتىر.
"تەرەزەنٸڭ الدىندا بومبا جارىلسا, بٸردەن قاۋٸپسٸز جەر ٸزدەيسٸڭ عوي. قازٸر سول ادامداردىڭ بەرٸ قاۋٸپسٸز جەرگە كٶشٸرۋدٸ تالاپ ەتٸپ وتىر. تالاپتارى زاڭدى. ونى ورىنداۋ قاجەت", - دەدٸ قالەتاەۆ.
ەلشٸنٸڭ ٶزٸ ەزٸرشە ۋكراينادان كەتپەيمٸن دەيدٸ. ونىمەن بٸرگە تاعى تٶرت قىزمەتكەر قالدى. بارلىعى جەر استىنداعى بٶلمەلەردە جۇمىس ٸستەيدٸ. ال دالاداعى اتىس باسىلعاندا سىرتقا شىعادى.
قازاقستاندىقتاردىڭ شىعىنى ٶتەلەدٸ
دارحان قالەتاەۆتىڭ ايتۋىنشا, ۋكراينادان ەۆاكۋاتسييالىق رەيستەرمەن شىعىپ جاتقان قازاقستاندىقتاردىڭ بيلەتكە جۇمساعان اقشاسى قايتارىلادى.
"قازٸرگٸ كەزدە بۇل مەسەلەنٸ ٷكٸمەت قاراپ جاتىر. بٸز تيٸستٸ شەشٸمدٸ كٷتٸپ وتىرمىز. Air Astana دا حاباردار. ٷكٸمەت ەۋە كومپانيياسىنىڭ شىعىندارىن ٶتەۋ جاعىن قاراستىرىپ جاتىر", - دەدٸ قالەتاەۆ.
ۋكراينادا جٷرگەن قازاقستاندىقتاردى الدىمەن پولشانىڭ كاتوۆيتسە قالاسىنا جەتكٸزەلدٸ. سول جەردەن ارنايى رەيسپەن اتىراۋعا ۇشادى.
Air Astana رەيسٸ 26 اقپاندا جەرگٸلٸكتٸ ۋاقىتپەن ساعات 02:00-دە ۇشىپ شىعادى.
