فوتو: اقوردا
نيۋ-يوركتە مەملەكەت باسشىسىنىڭ امەريكالىق بيزنەس ٶكٸلدەرٸمەن كەزدەسۋلەرٸ اياسىندا قازاقستان رەسپۋبليكاسىنىڭ دەنساۋلىق ساقتاۋ مينيسترٸ اقمارال ەلنازاروۆا جەتەكشٸ ەلەمدٸك كورپوراتسييالارمەن كەلٸسسٶزدەر جٷرگٸزدٸ. كەزدەسۋلەرگە Pfizer, General Electric جەنە ٶزگە دە ٸرٸ كومپانييالاردىڭ باسشىلارى قاتىستى, دەپ حابارلايدى Ult.kz.
ەڭگٸمە بارىسىندا دەنساۋلىق ساقتاۋ جٷيەسٸن جاڭعىرتۋ, وزىق تەجٸريبە مەن ينۆەستيتسييا تارتۋ, سونداي-اق مەديتسينا سالاسىنداعى سەرٸكتەستٸكتٸ كەڭەيتۋ مەسەلەلەرٸ تالقىلاندى.
ددۇ-مەن ىنتىماقتاستىق
دٷنيەجٷزٸلٸك دەنساۋلىق ساقتاۋ ۇيىمىنىڭ ەۋروپالىق ٶڭٸرلٸك بيۋروسىنىڭ ديرەكتورى حانس كليۋگەمەن كەلٸسسٶزدەر بارىسىندا مەديتسينالىق-سانيتارييالىق العاشقى كٶمەك كواليتسيياسى اياسىنداعى سەرٸكتەستٸكتٸ نىعايتۋ جٶنٸندە ۋاعدالاستىققا قول جەتكٸزٸلدٸ. قازاقستان پرەزيدەنتٸنٸڭ باستاماسىمەن قۇرىلعان كواليتسييا جۇمىسىنا حالىقارالىق ساراپشىلار مەن جاستاردى تارتۋ ٷشٸن ارنايى جۇمىس توبى قۇرىلماق.
كليمات پەن دەنساۋلىق مەسەلەسٸ
كەزدەسۋدە كليماتتىق ٶزگەرٸستەردٸڭ حالىق دەنساۋلىعىنا ەسەرٸ, سونىڭ ٸشٸندە ارال تەڭٸزٸنٸڭ ەكولوگييالىق اپاتى دا سٶز بولدى. تاراپتار ارال ٶڭٸرٸندە كەشەندٸ زەرتتەۋ جٷرگٸزۋ تۋرالى كەلٸستٸ. وسىعان بايلانىستى قازاقستان, ٶزبەكستان جەنە ددۇ اراسىندا ٷشجاقتى مەموراندۋم ەزٸرلەنۋدە.
سونىمەن قاتار, قىزىلوردا قالاسىندا ارال تەڭٸزٸ مەسەلەلەرٸ بويىنشا ددۇ-نىڭ ٶڭٸرلٸك كەڭسەسٸن اشۋ باستاماسى كٶتەرٸلدٸ. بۇل قادام ٶڭٸردٸڭ ەكوجٷيەسٸن قالپىنا كەلتٸرۋ, كٶگالداندىرۋ, سۋارۋ جٷيەلەرٸن رەتتەۋ جەنە اۋىز سۋ ساپاسىن ارتتىرۋعا باعىتتالماق.
جاڭا عىلىمي ورتالىق
ددۇ-نىڭ تۋبەركۋلەز مەسەلەلەرٸ جٶنٸندەگٸ بٶلٸمشەسٸن كوپەنگاگەننەن الماتىعا كٶشٸرۋ جوسپارى دا تالقىلاندى. ورتالىق ينفەكتسييالىق اۋرۋلار ۇلتتىق عىلىمي زەرتتەۋ ينستيتۋتىنىڭ بازاسىندا جۇمىس ٸستەمەك.
بۇل باستامالار قازاقستاننىڭ دەنساۋلىق ساقتاۋ سالاسىن جاڭعىرتۋعا, حالىقارالىق ىنتىماقتاستىقتى كٷشەيتۋگە جەنە حالىققا كٶرسەتٸلەتٸن مەديتسينالىق كٶمەكتٸڭ ساپاسى مەن قولجەتٸمدٸلٸگٸن ارتتىرۋعا باعىتتالعان.
