قازاقستان رەسپۋبليكاسىنىڭ اقپارات جەنە قوعامدىق دامۋ مينيسترٸ ايدا بالاەۆا قازان قالاسىنا جۇمىس ساپارى اياسىندا تاتارستان رەسپۋبليكاسىنىڭ پرەزيدەنتٸ رۋستام ميننيحانوۆپەن كەزدەستٸ, دەپ حابارلايدى "ۇلت اقپارات".
«قوش كەلدٸڭٸز! يسەمەسەز?»,- دەپ قارسى الدى ر.ميننيحانوۆ قازاقستان دەلەگاتسيياسىن.
ا.بالاەۆا تاتار اسسر-دٸڭ 100 جىلدىعىنا ارنالعان سالتاناتتى ٸس-شاراعا قاتىسۋعا شاقىرعانى ٷشٸن رەسپۋبليكا باسشىلىعىنا العىسىن بٸلدٸرٸپ, قازاقستان مەن تاتارستان اراسىنداعى قارىم-قاتىناستاردىڭ شىنايى دوستىق سيپاتىن ەرەكشە اتاپ ٶتتٸ.
سونداي-اق, بٷگٸن تاتارستان رەسپۋبليكاسىنا جۇمىس ساپارى اياسىندا اقپارات مينيسترٸ تاتارستان رەسپۋبليكاسىنىڭ مەملەكەتتٸك كەڭەسشٸسٸ مينتيمەر شايميەۆپەن كەزدەسۋ ٶتكٸزدٸ.
بۇدان بٶلەك, ساپار بارىسىندا اقدم باسشىسى «تاتمەديا» رەسپۋبليكالىق باسپاسٶز جەنە بۇقارالىق كوممۋنيكاتسييالار اگەنتتٸگٸنٸڭ باسشىلىعىمەن كەزدەسەدٸ. قازاقستان دەلەگاتسيياسى قازانداعى تاريحي-مەدەني ماڭىزى بار بٸرقاتار نىسانداردى ارالاپ, تاتار اسسر-نٸڭ 100 جىلدىعىن مەرەكەلەۋگە ارنالعان ٸس-شارالارعا قاتىسادى.
