بۇۇ-نىڭ تەرەڭ تاريحى بەلسەندٸ ۇجىمدىق كٷش-جٸگەردٸڭ ارقاسىندا كەڭ اۋقىمدى مەسەلەلەردٸ تالقىعا سالۋ كەزەڭٸ بولدى. بۇل تۋرالى قازاقستان پرەزيدەنتٸ قاسىم-جومارت توقاەۆ بٸرٸككەن ۇلتتار ۇيىمى باس اسسامبلەياسىنىڭ مەرەيتويلىق سەسسيياسى اياسىندا بۇۇ 75 جىلدىعىنا ارنالعان جوعارى دەڭگەيدەگٸ كەزدەسۋدەگٸ بەينەٷندەۋٸندە مەلٸم ەتتٸ, دەپ حابارلايدى "ۇلت اقپارات".
«ادامزات جىلناماسىنداعى ەڭ جويقىن دٷنيەجٷزٸلٸك سوعىستان كەيٸن 1945 جىلدىڭ ماۋسىم ايىندا مٷلدەم جاڭا ۇيىمنىڭ قۇرىلۋى – بارشامىز ٷشٸن ايتۋلى ەرٸ تاريحي وقيعا. داگ حاممارشەلدتٸڭ بٸرٸككەن ۇلتتار ۇيىمى «بٸزدٸ جۇماققا جەتكٸزۋ ٷشٸن ەمەس, توزاقتان قۇتقارۋ ٷشٸن قۇرىلعان» دەگەن قاناتتى سٶزٸ بارشاعا ايان. باستاپقىدا بۇۇ ۇجىمدىق قاۋٸپسٸزدٸكتٸ قامتاماسىز ەتۋ جٷيەسٸ رەتٸندە قۇرىلعانىمەن, ٸس جٷزٸندە ەلەم ەلدەرٸن ورتاق ماقسات پەن مٷددەگە بٸرٸكتٸردٸ. سونىڭ ارقاسىندا بەلسەندٸ ەرٸ اۋقىمدى حالىقارالىق ىنتىماقتاستىق دەۋٸرٸ ورنىقتى», - دەپ اتاپ ٶتتٸ قازاقستان پرەزيدەنتٸ.
وسى ورايدا مەملەكەت باسشىسى بۇل جول جەڭٸل بولماعانىن ەسكە سالدى.
«ٶكٸنٸشكە قاراي, ٶتكەن 75 جىل ٸشٸندە ەلەمدٸ قايعى-قاسٸرەتتەن ارىلتۋعا باعىتتالعان ورتاق ماقساتتارىمىز بەن قۇندىلىقتارىمىزدى ٸلگەرٸلەتۋ جولىندا كٶپتەگەن مٷمكٸندٸكتٸ قولدان جٸبەرٸپ الدىق. دەگەنمەن, سەتسٸزدٸكتەن دە, جەتٸستٸكتەن دە ساباق العان جٶن. بۇۇ-نىڭ تەرەڭ تاريحى بەلسەندٸ ۇجىمدىق كٷش-جٸگەردٸڭ ارقاسىندا كەڭ اۋقىمدى مەسەلەلەردٸ تالقىعا سالۋ كەزەڭٸ بولدى. اتاپ ايتقاندا, وتارسىزدانۋدان ٶسٸپ-ٶركەندەۋگە, بالالاردى قورعاۋدان كليماتتىڭ ٶزگەرۋٸنە, دەنساۋلىق ساقتاۋ ٸسٸنەن ادام قۇقىعىنا, بەيبٸتشٸلٸكتٸ قولداۋدان بٸتٸمگەرشٸلٸككە دەيٸنگٸ تاقىرىپتار قامتىلدى. سوڭعى وتىز جىلدا قازاقستان بۇۇ-نىڭ بارلىق باستى ورگاندارىندا, سونىڭ ٸشٸندە, قاۋٸپسٸزدٸك كەڭەسٸندە جانجالداردى رەتتەۋ, يادرولىق قارۋدى تاراتپاۋ جەنە قارۋسىزدانۋ, تەرروريزمگە قارسى كٷرەس, كونفەسسيياارالىق جەنە ۇلتارالىق ديالوگ, تەڭٸزگە شىعا المايتىن دامۋشى ەلدەردٸڭ مٷددەسٸن قورعاۋ سيياقتى باسىمدىقتاردى دەرٸپتەۋگە اتسالىستى», - دەدٸ قاسىم-جومارت توقاەۆ.
«ال, ەندٸ بٷگٸنگٸ زاماننىڭ سيپاتىنا زەر سالساق, كٶپتەگەن جاڭا سىن-قاتەرلەر, سونداي-اق قايتا ەتەك العان كەيبٸر تەۋەكەلدەر بٸزدٸ ٶتكەن كەزەڭگە ورالتۋى مٷمكٸن ەكەنٸن بايقايمىز. قازٸرگٸ تاڭدا مۋلتيلاتەراليزم زور قاتەرگە تاپ بولدى. مۇنداي احۋال قىرعي-قاباق سوعىس اياقتالعاننان بەرٸ تۋىنداماعان ەدٸ», - دەدٸ قر پرەزيدەنتٸ.
